يېشىل تەرەققىياتقا زور كۈچ بىلەن تۈرتكە بولۇپ، گۈزەل چۇڭچىڭ قۇرۇپ چىقىپ، چاڭجياڭ دەرياسىنىڭ يۇقىرى ئېقىنىدىكى مۇھىم ئېكولوگىيە توسۇقىنى مۇستەھكەملەش كېرەك. 

ۋەتەننى كۆكەرتىشتە ھەممە ئادەم مەسئۇلىيىتىنى تولۇق ئادا قىلىشى كېرەك. ئاممىنىڭ قاتنىشىش يوللىرىنى راۋانلاشتۇرۇپ، مەسئۇلىيەتنى تولۇق ئادا قىلىش شەكلىدە يېڭىلىق يارىتىپ، ئورمان باشلىقى تۈزۈمىنىڭ رولىنى ياخشى جارى قىلدۇرۇپ، ھەرقايسى تەرەپلەرنىڭ كۈچىنى قوزغىتىپ، ئومۇمىي خەلق خالىسانە كۆچەت تىكىشنىڭ ئۈزلۈكسىز چوڭقۇرلىشىشى، پۇختا ئەمەلىيلىشىشىگە تۈرتكە بولۇش كېرەك. 

كەڭ ياش-ئۆسمۈرلەر ۋەتەننىڭ كەلگۈسى، كىچىكىدىن باشلاپ ئەمگەككە ئاكتىپ قاتنىشىپ، كۆچەت تىكىپ ئورمان بىنا قىلىپ، يېشىللىق ئۇرۇقىنى قەلبىگە تېرىپ، تەبىئەتكە ھۆرمەت قىلىش، تەبىئەتنى قىزغىن سۆيۈش ئېڭىنى يېتىلدۈرۈپ، تىرىشىپ ئۆگىنىپ، بەدەن چېنىقتۇرۇپ، ساغلام ئۆسۈپ يېتىلىپ، ئەخلاقىي، ئەقلىي، جىسمانىي، گۈزەللىك، ئەمگەك جەھەتلەردە ئەتراپلىق يېتىلىپ، تىرىشىپ دۆلەتنىڭ تۈۋرۈكىگە ئايلىنىشى كېرەك. 

مەدەنىيەت بىلەن ساياھەتنىڭ چوڭقۇر يۇغۇرۇلۇشىنى ئالغا سىلجىتىپ، خۇنەن تۇپرىقىنىڭ يېشىل تېغى، سۈزۈك سۈيى، كۆك ئاسمىنى، پاكىز تۇپرىقىنى ياخشى قوغداپ، تەبىئىي مەنزىرىسى ۋە ئادىمىيەت ئۆرپ-ئادەتلىرىنى ساياھەتچىلىكنىڭ ئۇزاققىچە داۋاملىشىدىغان جەلپكارلىقىغا ئايلاندۇرۇشى كېرەك. 

ئىقتىساد، جەمئىيەت تەرەققىياتىنىڭ ئومۇميۈزلۈك يېشىل تىپ ئۆزگەرتىشىنى ئىلگىرى سۈرۈش بايلىق، مۇھىت، ئېكولوگىيە مەسىلىسىنى ھەل قىلىشتىكى ئاساسىي تەدبىر، ئومۇميۈزلۈك تىپ ئۆزگەرتىش، ماس تىپ ئۆزگەرتىش، ئىجادىي تىپ ئۆزگەرتىش، بىخەتەر تىپ ئۆزگەرتىشتە چىڭ تۇرۇپ، «قوش كاربون» خىزمىتىنى يېتەكچى قىلىپ، كاربوننى تۆۋەنلىتىش، بۇلغىمىنى ئازايتىش، يېشىللىقنى كېڭەيتىش، ئېشىشنى ماس ئالغا سىلجىتىپ، يېشىل تەرەققىيات ئىدىيەسىنى ئىقتىساد، جەمئىيەت تەرەققىياتىنىڭ پۈتكۈل جەريا نى ۋە ھەرقايسى تەرەپلىرىگە سىڭدۈرۈش كېرەك.

دۆلەت زېمىنى بوشلۇقىنى ئېچىش - قوغداش تۆۋەن چېكىنى چىڭ ساقلاپ، ئېكولوگىيە - مۇھىتنى رايونلارغا ئايرىپ باشقۇرۇش - تىزگىنلەش سىستېمىسىنى مۇكەممەللەشتۈرۈپ، يۇقىرى سۈپەتلىك تەرەققىياتنىڭ ئېكولوگىيە ئاساسىنى پۇختىلاش كېرەك. 

مۇھىت - بايلىق ساھەسىدىكى كەڭ ئەزالار ئېكولوگىيە - مۇھىتنى قوغداشنى كۈچەيتىش، يۇقىرى سەۋىيەلىك قوغداش ئارقىلىق يۇقىرى سۈپەتلىك تەرەققىياتقا تىرەك بولۇشقا يېڭى تۆھپە قوشۇشى كېرەك. 

يېشىل تەرەققىيات يۇقىرى سۈپەتلىك تەرەققىياتنىڭ ئاساسىي رېڭى، يېڭى ئالاھىدىلىككە ئىگە ئىشلەپچىقىرىش كۈچلىرىنىڭ ئۆزى يېشىل ئىشلەپچىقىرىش كۈچلىرىدۇر. جەزمەن تەرەققىيات شەكلىدە يېشىل تىپ ئۆزگەرتىشنى تېزلىتىپ، كاربون قويۇپ بېرىشنى چوققا قىممەتكە يەتكۈزۈش، كاربوننى نېيتراللاشتۇرۇشقا كۈچ قوشۇش كېرەك.