سوتسىيالىستىك قانۇنچىللىق روھىنى ئەۋج ئالدۇرۇپ، جۇڭخۇا ئېسىل ئەنئەنىۋى قانۇن مەدەنىيىتىگە ۋارىسلىق قىلىپ، ئومۇمىي خەلقنى سوتسىيالىستىك قانۇنچىللىقنىڭ سادىق قەدىرلىگۈچىلىرى، ئاڭلىق رىئايە قىلغۇچىلىرى، قەتئىي قوغدىغۇچىلىرىدىن بولۇشقا يېتەكلىشىمىز كېرەك.

• قانۇنچىل جەمئىيەت − قانۇنچىل دۆلەت قۇرۇشنىڭ ئۇلى.

مەمۇرىي قانۇن ئىجراسىنى نازارەت قىلىش مېخانىزمى ۋە ئىقتىدار قۇرۇلۇشىنى كۈچەيتىپ، مەمۇرىي قانۇن ئىجرا قىلىش مەسئۇلىيەت تۈزۈمى ۋە جاۋابكارلىق سۈرۈشتۈرۈش تۈزۈمىنى قاتتىق ئەمەلىيلەشتۈرۈشىمىز لازىم.

مەمۇرىي قانۇن ئىجرا قىلىش تۈزۈلمىسى ئىسلاھاتىنى چوڭقۇرلاشتۇرۇپ، قانۇننى قاتتىق، قېلىپلىق، ئادىل، مەدەنىي ئىجرا قىلىشنى ئومۇميۈزلۈك ئالغا سىلجىتىپ، ئاممىنىڭ جانىجان مەنپەئىتىگە تاقىلىدىغان نۇقتىلىق ساھەلەردە قانۇن ئىجرا قىلىش سالمىقىنى ئاشۇرۇپ، مەمۇرىي قانۇن ئىجرا قىلىش تەرتىپىنى مۇكەممەللەشتۈرۈپ، مەمۇرىي جازا ئۆلچەش ئۆلچىمىنى مۇكەممەللەشتۈرۈشىمىز كېرەك.

ھۆكۈمەت فۇنكسىيەسىنى ئۆزگەرتىپ، ھۆكۈمەتنىڭ مەسئۇلىيەت سىستېمىسى ۋە تەشكىلىي قۇرۇلمىسىنى سەرخىللاشتۇرۇپ، ئاپپارات، فۇنكسىيە، ھوقۇق چېكى، تەرتىپ، مەسئۇلىيەتنى قانۇندا بەلگىلەشنى ئالغا سىلجىتىپ، مەمۇرىيەتنىڭ ئۈنۈمى ۋە ئىناۋىتىنى ئۆستۈرۈشىمىز كېرەك.

قانۇنچىل ھۆكۈمەت قۇرۇلۇشى دۆلەتنى ئومۇميۈزلۈك قانۇن بويىچە ئىدارە قىلىشتىكى نۇقتىلىق ۋەزىپە ۋە ئاساسىي گەۋدە قۇرۇلۇشى، دۆلەت ئىدارە قىلىش سىستېمىسى ۋە ئىدارە قىلىش ئىقتىدارىنىڭ زامانىۋىلىشىشىنى ئالغا سىلجىتىشتىكى مۇھىم تىرەك، سوتسىيالىستىك قانۇنچىل شىنجاڭ قۇرۇلۇشىنى ئومۇميۈزلۈك ئالغا سىلجىتىشتىكى نۇقتىلىق ۋەزىپە.

جەزمەن قانۇنچىللىقنىڭ ئاساسنى پۇختىلاش، كۆزلىمىنى مۇقىملاشتۇرۇش، كەلگۈسىگە نەپ يەتكۈزۈشتەك كاپالەتلىك رولىنى تېخىمۇ ياخشى جارى قىلدۇرۇپ، قانۇنچىللىق يولىدا سوتسىيالىستىك زامانىۋىلاشقان دۆلەتنى ئومۇميۈزلۈك قۇرۇشىمىز شەرت.

دۆلەتنى ئومۇميۈزلۈك قانۇن بويىچە ئىدارە قىلىش دۆلەت ئىدارە قىلىشتىكى بىر مەيدان چوڭقۇر ئىنقىلاب، ئۇ، پارتىيەمىزنىڭ ھاكىمىيەت يۈرگۈزۈپ دۆلەتنى گۈللەندۈرۈشىگە مۇناسىۋەتلىك، خەلقنىڭ بەخت - سائادىتى ۋە تىنچ - ئامانلىقىغا مۇناسىۋەتلىك، پارتىيە ۋە دۆلەتنىڭ ئەبەدىي ئەمىنلىكىگە مۇناسىۋەتلىك.

جان - دىل بىلەن ئىشچىلار سىنىپىغا تايىنىپ، ئىشچى - خىزمەتچىلەر قۇرۇلتىيى ئاساسىي شەكىل قىلىنغان كارخانا، كەسپىي ئورۇنلارنىڭ دېموكراتىك باشقۇرۇش تۈزۈمىنى تاكامۇللاشتۇرۇپ، ئىشچى - خىزمەتچىلەرنىڭ قانۇنلۇق ھوقۇق - مەنپەئىتىنى قوغدىشىمىز كېرەك.

ئىش بېجىرىشتە ئاشكارا بولۇش تۈزۈمىنى مۇكەممەللەشتۈرۈپ، ئاساسىي قاتلامدىكى تۈرلۈك كىشىلەر توپىنىڭ ئاساسىي قاتلامنى ئىدارە قىلىشقا تەرتىپلىك قاتنىشىش يوللىرىنى كېڭەيتىپ، خەلقنىڭ ئاساسىي قاتلامدىكى ئاممىۋى ئىشلار ۋە پاراۋانلىق ئىشلىرىنى قانۇن بويىچە باشقۇرۇشىغا كاپالەتلىك قىلىشىمىز لازىم.

ئاساسىي قاتلام پارتىيە تەشكىلاتلىرى رەھبەرلىك قىلىدىغان ئاساسىي قاتلام ئامما ئاپتونومىيە مېخانىزمىنى تاكامۇللاشتۇرۇپ، ئاساسىي قاتلام تەشكىلاتلىرى قۇرۇلۇشىنى كۈچەيتىپ، ئاساسىي قاتلام بىۋاسىتە دېموكراتىيەسىنىڭ تۈزۈم سىستېمىسى ۋە خىزمەت سىستېمىسىنى مۇكەممەللەشتۈرۈپ، شەھەر - يېزىلاردىكى مەھەللە ئاممىسىنىڭ ئۆزىنى باشقۇرۇش، ئۆزىگە مۇلازىمەت قىلىش، ئۆزىنى تەربىيەلەش، ئۆزىنى نازارەت قىلىش ئۈنۈمىنى ئاشۇرۇشىمىز كېرەك.

• ئاساسىي قاتلام دېموكراتىيەسى − پۈتۈن جەريانلىق خەلق دېموكراتىيەسىنىڭ مۇھىم ئىپادىسى.

خەلق قۇرۇلتىيى ۋە ئۇنىڭ دائىمىي كومىتېتىنىڭ قانۇن چىقىرىش ھوقۇقى، نازارەت قىلىش ھوقۇقى، قارار قىلىش ھوقۇقى ۋە تەيىنلەش - قالدۇرۇش ھوقۇقىنى قانۇن بويىچە يۈرگۈزۈشىنى قوللاپ ۋە كاپالەتكە ئىگە قىلىپ، خەلق قۇرۇلتىيىنىڭ مەمۇرىي ئورگان، رېۋىزىيە ئورگىنى، سوت ئورگىنى، تەپتىش ئورگىنىغا نازارەتچىلىك قىلىش تۈزۈمىنى تاكامۇللاشتۇرۇپ، دۆلەت قانۇنچىللىقىنىڭ بىرلىكى، ئىززەت - ھۆرمىتى ۋە نوپۇزىنى قوغدىشىمىز كېرەك.

جۇڭگوچە سوتسىيالىستىك سىياسىي تەرەققىيات يولىدا قەتئىي ئېغىشماي مېڭىپ، پارتىيە رەھبەرلىك قىلىش، خەلق ئۆز ئىشىغا ئۆزى ئىگە بولۇش، دۆلەتنى قانۇن بويىچە ئىدارە قىلىشنىڭ ئورگانىك بىرلىكىدە چىڭ تۇرۇپ، خەلقنىڭ سۇبيېكتلىق ئورنىدا چىڭ تۇرۇپ، خەلقنىڭ ئىرادىسىنى تولۇق گەۋدىلەندۈرۈشىمىز، خەلقنىڭ ھوقۇق - مەنپەئىتىگە تولۇق كاپالەتلىك قىلىشىمىز، خەلقنىڭ ئىجادىيەت ھاياتىي كۈچىنى تولۇق ئۇرغۇتۇشىمىز شەرت.

سوتسىيالىستىك قانۇنچىل دۆلەت قۇرۇلۇشىنى چوڭقۇر ئالغا سىلجىتىپ، دۆلەتنى ئومۇميۈزلۈك قانۇن بويىچە ئىدارە قىلىشنىڭ ئومۇمىي ئەندىزىسىنى ئاساسەن شەكىللەندۈرۈپ، جۇڭگوچە سوتسىيالىستىك قانۇنچىللىق سىستېمىسىنى تېز بەرپا قىلىپ، ئەدلىيە تۈزۈلمىسى ئىسلاھاتىدا مۇھىم، زور ئىلگىرىلەش ھاسىل قىلىپ، ئىجتىمائىي ئادىللىق ۋە ھەققانىيلىقنى تېخىمۇ پۇختا كاپالەتكە ئىگە قىلىپ، قانۇنچىل جۇڭگو قۇرۇلۇشىدا يېڭى ۋەزىيەت ئاچتۇق.

پارتىيە ئىچىدىكى قانۇن - نىزام سىستېمىسى، دۆلەت قانۇن سىستېمىسىنى مۇكەممەللەشتۈرۈش، چىرىكلىككە قارشى تۇرۇشتىكى چەت ئەلگە چېتىشلىق قانۇن - نىزاملارنى تېز مۇكەممەللەشتۈرۈش كېرەك.

مەنبەدىن باشلاپ قول سېلىپ، ھوقۇقنى باشقۇرۇش، ئەمەلدارلارنى ئىدارە قىلىش تۈزۈلمە-مېخانىزمىنى مۇكەممەللەشتۈرۈپ، چىرىكلىك مەسىلىسىنىڭ تېخىمۇ دائىملىق، ئۇزاق ئۈنۈملۈك ئالدىنى ئېلىش ۋە ئۇنى تۈزەش كېرەك.

چىرىكلىكنىڭ ئالدىنى ئېلىش ۋە تۈزەشتىكى تۈزۈم قەپىزىنى چىڭىتىپ، بىر قەدەر مۇكەممەل بولغان پۈتۈن بىر يۈرۈش پارتىيە ئىچىدىكى قانۇن-نىزام سىستېمىسى ۋە چىرىكلىككە قارشى تۇرۇش قانۇن سىستېمىسىنى شەكىللەندۈرۈپ، تۈزۈمنىڭ قاتتىقلىقىنى كۈچەيتىپ، «چېقىق دېرىزە ئېففېكتى»نىڭ ئالدىنى ئېلىپ، ئىنتىزام ئىجرا قىلىش بىلەن قانۇن ئىجرا قىلىشنى تۇتاشتۇرۇپ، ئۇنىۋېرسال ئۈنۈم ئىقتىدارىنى يەنىمۇ كۈچەيتىپ، تۈرلۈك قانۇن-نىزام، تۈزۈمنىڭ ئەمەلىيلىشىپ يىلتىز تارتىشىغا ھەقىقىي كاپالەتلىك قىلدۇق.

بىز كىشىلىك ھوقۇق ئومۇمىي پىرىنسىپىنى جۇڭگونىڭ ئەمەلىيىتى بىلەن بىرلەشتۈرۈپ، دۆلىتىمىزنىڭ دۆلەت ئەھۋالى ۋە خەلقنىڭ تەلىپىنى چىقىش قىلىپ كىشىلىك ھوقۇق ئىشلىرىنىڭ تەرەققىياتىغا تۈرتكە بولۇپ، خەلقنىڭ قانۇن بويىچە كەڭ، تولۇق، ھەقىقىي، كونكرېت، ئۈنۈملۈك، ئەسقاتىدىغان كىشىلىك ھوقۇقتىن بەھرىمەن بولۇشىغا ھەقىقىي كاپالەتلىك قىلدۇق.

بىز پۈتۈن جەريانلىق خەلق دېموكراتىيەسىنى ئۈزلۈكسىز راۋاجلاندۇرۇپ، كىشىلىك ھوقۇق قانۇنچىللىق كاپالىتىنى ئالغا سىلجىتىپ، جەمئىيەت ئادىللىقى ۋە ھەققانىيلىقىنى قەتئىي قوغدىدۇق، خەلق تېخىمۇ كەڭ، تېخىمۇ تولۇق، تېخىمۇ ئومۇميۈزلۈك دېموكراتىيە ھوقۇقىدىن بەھرىمەن بولدى.