جۇڭگو باشتىن-ئاخىر بىلىم مۈلۈك ھوقۇقىنى قوغداشقا يۈكسەك ئەھمىيەت بېرىپ، بىلىم مۈلۈك ھوقۇقى كۈچلۈك دۆلىتى قۇرۇلۇشىنى چوڭقۇر يولغا قويۇپ، بىلىم مۈلۈك ھوقۇقىنىڭ قانۇنچىللىق كاپالىتىنى كۈچەيتىپ، بىلىم مۈلۈك ھوقۇقىنى باشقۇرۇش تۈزۈلمىسىنى مۇكەممەللەشتۈرۈپ، بىلىم مۈلۈك ھوقۇقىنى پۈتۈن زەنجىر بويىچە قوغداشنى ئۈزلۈكسىز كۈچەيتىپ، يېڭىلىق يارىتىش مۇھىتى ۋە تىجارەت-سودا مۇھىتىنى سىجىل ئەلالاشتۇردى.

پۈتۈن جەريانلىق خەلق دېموكراتىيەسىنى پائال راۋاجلاندۇرۇپ، پارتىيە رەھبەرلىك قىلىش، خەلق ئۆز ئىشىغا ئۆزى ئىگە بولۇش، دۆلەتنى قانۇن بويىچە ئىدارە قىلىشنىڭ ئورگانىك بىرلىكىدە چىڭ تۇرۇپ، خەلق ئۆز ئىشىغا ئۆزى ئىگە بولىدىغان تۈزۈم سىستېمىسىنى تاكامۇللاشتۇرۇپ، خەلقنىڭ ئىرادىسىنى ئىشقا ئاشۇرۇپ، خەلقنىڭ ھوقۇق-مەنپەئىتىنى كاپالەتلەندۈرۈپ، ئومۇمىي خەلقنىڭ ئاكتىپلىقى، تەشەببۇسكارلىقى، ئىجادچانلىقىنى تولۇق قوزغىتىش كېرەك.

پۇقراۋى كارخانىلار ۋە پۇقراۋى كارخانىچىلار قانۇن-بەلگىلىمىگە ئۇيغۇن تىجارەت قىلىش تۆۋەن چېكىنى مۇستەھكەملەپ، مۇنەۋۋەر كارخانىچىلار روھىنى ئەۋج ئالدۇرۇپ، ۋەتەننى سۆيۈپ، كەسىپنى قەدىرلەش، قانۇنغا رىئايە قىلىپ تىجارەت قىلىش، ئىگىلىك تىكلەپ يېڭىلىق يارىتىش، جەمئىيەتكە جاۋاب قايتۇرۇشتىكى ئۈلگىلەردىن بولۇشى كېرەك.

تۈرلۈك كاپىتالنىڭ ساغلام تەرەققىياتىنى قانۇن بويىچە قېلىپلاشتۇرۇپ ۋە يېتەكلەپ، سىستېمىلىق پۇل مۇئامىلە خەۋپ-خەتىرىنىڭ ئۈنۈملۈك ئالدىنى ئېلىپ ۋە ئۇنى تۈگىتىپ، تۈرلۈك مۈلۈكچىلىكتىكى كارخانىلارغا ئادىل رىقابەتلىشىدىغان، بەس-بەستە تەرەققىي قىلىدىغان مۇھىت يارىتىپ بېرىش كېرەك.

جەمئىيەت ئامانلىقى بويىچە ئومۇميۈزلۈك ئالدىنى ئېلىش-تىزگىنلەشنى كۈچەيتىپ، ئاممىنىڭ ئىنكاسى كۈچلۈك بولۇۋاتقان تۈرلۈك قانۇنغا خىلاپ جىنايى ھەرىكەتلەرنى قانۇن بويىچە قاتتىق جازالاش كېرەك.

شەھەر رايونىدا جەمئىيەت ئىدارە قىلىشنىڭ زامانىۋىلىشىشىنى تېز ئالغا سىلجىتىپ، شەھەر رايونىدا جەمئىيەت ئىدارە قىلىش ئىقتىدارىنى ئۆستۈرۈش لازىم.

قانۇن يۈرگۈزۈش تۈزۈلمە ئىسلاھاتىنى چوڭقۇر ئالغا سىلجىتىپ، ھەربىر قانۇن-تۈزۈم، ھەربىر قانۇن ئىجرا قىلىش قارارى، ھەربىر قانۇن يۈرگۈزۈش دېلوسىدا خەلق ئاممىسىغا ئادىللىق ۋە ھەققانىيلىقنى تىرىشىپ ھېس قىلدۇرۇش كېرەك.

ھوقۇق ئادىل بولۇش، پۇرسەت ئادىل بولۇش، قائىدە ئادىل بولۇش ئاساسىي مەزمۇن قىلىنغان جەمئىيەت ئادىللىقى كاپالەت سىستېمىسىنى تېز بەرپا قىلىپ، خەلقنىڭ باراۋەر قاتنىشىش، باراۋەر تەرەققىي قىلىش ھوقۇق-مەنپەئىتىگە كاپالەتلىك قىلىش كېرەك.

مەملىكەت بويىچە بىرلىككە كەلگەن چوڭ بازار بەرپا قىلىپ، مۇھىم ئامىللارنى بازارلاشتۇرۇش ئىسلاھاتىنى چوڭقۇرلاشتۇرۇپ، يۇقىرى ئۆلچەملىك بازار سىستېمىسى بەرپا قىلىپ، بازارلاشقان، قانۇنچىللاشقان، خەلقئارالاشقان ئالدىنقى قاتاردىكى تىجارەت سودا مۇھىتى يارىتىپ، تولۇق ئامىللىق ئىشلەپچىقىرىش ئۈنۈمىنى كۈچەپ ئۆستۈرۈش كېرەك.

قانۇنچىللىق ئېڭى، تەرتىپ ئېڭى، دەلىل-ئىسپات ئېڭىنى كۈچەيتىپ، ئىنتىزام تەكشۈرۈش، رېۋىزىيە خىزمىتىنى قېلىپلاشتۇرۇش، قانۇنچىللاشتۇرۇش، مۇنتىزىملاشتۇرۇش سەۋىيەسىنى ئۈزلۈكسىز ئۆستۈرۈش كېرەك.

پارا بېرىشنى جازالاشقا دائىر قانۇن-نىزاملارنى يەنىمۇ ئىلگىرىلىگەن ھالدا تاكامۇللاشتۇرۇپ، مۇكەممەللەشتۈرۈپ، پارا بەرگۈچىلەرنى بىرلىكتە جازالاپ ئاگاھلاندۇرۇش مېخانىزمىنى مۇكەممەللەشتۈرۈش كېرەك. ئاتالمىش «ئارقا كۆرۈنۈشى بار» ئاشۇ «سىياسىي ئالدامچى»لارغا قاتتىق زەربە بېرىش كېرەك.

پۇل مۇئامىلىنىڭ يۇقىرى سۈپەتلىك تەرەققىياتىغا تۈرتكە بولۇش، پۇل مۇئامىلە كۈچلۈك دۆلىتى قۇرۇشتا، قانۇن ئارقىلىق ئىدارە قىلىش بىلەن ئەخلاق ئارقىلىق ئىدارە قىلىشنى بىرلەشتۈرۈشتە چىڭ تۇرۇپ، جۇڭگوچە پۇل مۇئامىلە مەدەنىيىتىنى پائال يېتىلدۈرۈش كېرەك.

بازار نازارەت قىلىش-باشقۇرۇش ۋە ئەمگەك كاپالىتى بويىچە مەمۇرىي تەپتىش قىلىش قانۇن ئىجراسىنى كۈچەيتىپ، ئىشقا ئورۇنلىشىشتىكى كەمسىتىش، ئىش ھەققىنى نېسى قالدۇرۇش، سۇغۇرتا ھەققىنى نېسى قالدۇرۇش، قانۇنغا خىلاپ ھالدا خادىم قىسقارتىش قاتارلىق قالايمىقان ئەھۋاللارنى ئۈنۈملۈك تۈزەش كېرەك.

جانلىق ئىشقا ئورۇنلىشىش ۋە يېڭىچە ئىشقا ئورۇنلىشىش ھالىتىدىكى ئەمگەكچىلەرنىڭ ھوقۇق-مەنپەئىتىنى كاپالەتلەندۈرۈشنى كۈچەيتىپ، كەسپىي زەخىم كاپالىتىنى نۇقتىدا سىناق قىلىشنى كېڭەيتىپ، تەجرىبىلەرنى ۋاقتىدا يەكۈنلەش، تۈزۈم شەكىللەندۈرۈش كېرەك. 

ئەمگەكچىلەرنىڭ ھوقۇق - مەنپەئىتىنى كاپالەتلەندۈرۈشنى كۈچەيتىش كېرەك. ئەمگەككە دائىر قانۇن-نىزاملارنى تاكامۇللاشتۇرۇپ، يېڭىچە ئىشقا ئورۇنلىشىش ھالىتىنىڭ ئەمگەك ئاساسىي ئۆلچىمىنى قېلىپلاشتۇرۇپ، ئىجتىمائىي كاپالەت سىستېمىسىنى مۇكەممەللەشتۈرۈپ، ئەمگەكچىلەرنىڭ قانۇنلۇق ھوقۇق-مەنپەئىتىنى قوغداش كېرەك. 

ھەر دەرىجىلىك پارتىيە كومىتېتى ۋە ھۆكۈمەت كەڭ ئەمگەكچى ئاممىغا كۆڭۈل بۆلۈپ ۋە ئۇلارنى ئاسراپ، ئەمگەكچىلەرنىڭ قانۇنلۇق ھوقۇق-مەنپەئىتىنى ھەقىقىي ياخشى ئىشقا ئاشۇرۇپ، ياخشى قوغداپ، ياخشى تەرەققىي قىلدۇرۇپ، كەڭ ئەمگەكچى ئاممىنى تىرىشىپ ئەمگەك قىلىش، سەمىمىي ئەمگەك قىلىش، ئىجادىي ئەمگەك قىلىش داۋامىدا ئارزۇسىنى ئىشقا ئاشۇرۇشقا رىغبەتلەندۈرۈشى كېرەك. 

سىياسىي-قانۇن ئورگانلىرىدا پارتىيەنىڭ سىياسىي قۇرۇلۇشىنى كۈچەيتىپ، سادىق، پاك، مەسئۇلىيەتچان بولغان يېڭى دەۋر سىياسىي-قانۇن پولات قوشۇنىنى تاۋلاپ چىقىشى كېرەك. 

يۇقىرى سەۋىيەلىك خەۋپسىزلىك ئارقىلىق يۇقىرى سۈپەتلىك تەرەققىياتقا كاپالەتلىك قىلىپ، سوتسىيالىستىك بازار ئىگىلىكى تەرتىپىنى قانۇن بويىچە قوغداپ، قانۇنچىللاشقان تىجارەت-سودا مۇھىتى قۇرۇلۇشىنىڭ سەۋىيەسىنى ئۆستۈرۈشى كېرەك. 

جەمئىيەت ئادىللىقى، ھەققانىيلىقىنى كاپالەتلەندۈرۈپ ۋە ئىلگىرى سۈرۈپ، دۆلەت قانۇنچىللىقىنىڭ بىرلىكىنى قوغداپ، قانۇننى ئىلمىي چىقىرىش، قانۇننى قاتتىق ئىجرا قىلىش، قانۇننى ئادىل يۈرگۈزۈش، ئومۇمىي خەلق قانۇنغا رىئايە قىلىشنى ئومۇميۈزلۈك ئالغا سىلجىتىپ، قانۇن يۈرگۈزۈش تۈزۈلمىسى ئۇنىۋېرسال يۈرۈشلۈك ئىسلاھاتىنى چوڭقۇرلاشتۇرۇپ، قانۇن يۈرگۈزۈش مەسئۇلىيەت تۈزۈمىنى ئومۇميۈزلۈك، دەل جايىدا ئەمەلىيلەشتۈرۈشى كېرەك. 

ھەرقايسى جايلار مەۋقەنى كونكرېت بىر ساھەدە پۈتۈن ۋەزىيەتنى كۆزلەشكە قويۇپ، تەۋەلىكىدىكى خەۋپ-خەتەرنى بىر تەرەپ قىلىش ۋە مۇقىملىقنى قوغداش مەسئۇلىيىتىنى ياخشى ئەمەلىيلەشتۈرۈشى كېرەك.