10 يىلدىن بۇيان، ھەرقايسى ئەركىن سودا سىناق رايونلىرى پارتىيە مەركىزىي كومىتېتىنىڭ تەدبىر-ئورۇنلاشتۇرمىلىرىنى ئىزچىللاشتۇرۇپ، ئەمەلىيلەشتۈرۈپ، ئىدىيەدە ئازاد بولۇپ، توغرا يولدا مېڭىپ يېڭىلىق يارىتىپ، زور بىر تۈركۈم ئۇل خاراكتېرلىك، ئىجادىي ئىسلاھات، ئېچىۋېتىش تەدبىرلىرىنى يولغا قويۇپ، نۇرغۇن بەلگە خاراكتېرلىك، يېتەكلەش خاراكتېرلىك تۈزۈمدە يېڭىلىق يارىتىش نەتىجىلىرىنى شەكىللەندۈرۈپ، ئىسلاھات، ئېچىۋېتىشتىكى ئۇنىۋېرسال سىناق سۇپىسىلىق رولىنى ئۈنۈملۈك جارى قىلدۇردى.

ئەركىن سودا سىناق رايونى قۇرۇش پارتىيە مەركىزىي كومىتېتىنىڭ يېڭى دەۋردە ئىسلاھات، ئېچىۋېتىشنى ئالغا سىلجىتىشىدىكى مۇھىم ئىستراتېگىيەلىك تەدبىر.

داڭلىق ماركا يارىتىپ، سۈپەتنى ئۆستۈرۈپ، كەسىپ زەنجىرىنى ئۇزارتىپ، كەسىپ بازىرىنىڭ رىقابەت كۈچى ۋە ئۇنىۋېرسال ئۈنۈمىنى ئاشۇرۇپ، تېخىمۇ كۆپ يۇرتداشلارنىڭ ئورتاق بېيىشىغا تۈرتكە بولۇش كېرەك.

دۆلىتىمىزنىڭ شىمالغا ئېچىۋېتىلگەن يېڭى ئېگىزلىكىنى بەرپا قىلىش كېرەك. سودا، مەبلەغ سېلىش، يول ۋە سۇپا قۇرۇلۇشىنى تېخىمۇ ياخشى بىر تۇتاش پىلانلاپ، بازار ئىجازىتى، ئامىللارنىڭ يۆتكىلىشى، تۈزۈم تىپىدىكى ئېچىۋېتىش قاتارلىق جەھەتلەردە دادىل ئىزدىنىپ، ئالدىن يولغا قويۇپ، ئالدىن سىناق قىلىپ، ھەر تەرەپلىمە سىرتقا ئېچىۋېتىش يېڭى ئەندىزىسىنى شەكىللەندۈرۈش كېرەك.

خاس مەدەنىيەت-ساياھەتنى زور كۈچ بىلەن تەرەققىي قىلدۇرۇش كېرەك. قار-مۇز ئىقتىسادىنى راۋاجلاندۇرۇشنى يېڭى ئېشىش نۇقتىسى قىلىپ، قار-مۇز تەنھەرىكىتى، قار-مۇز مەدەنىيىتى، قار-مۇز جابدۇقلىرى، قار-مۇز ساياھىتىنىڭ پۈتۈن كەسىپ زەنجىرى بويىچە تەرەققىي قىلىشىغا تۈرتكە بولۇش كېرەك.

يەرلىكنىڭ قەرز خەۋپ-خەتىرىنى تۈگىتىشنى چىڭ تۇتۇپ، ئوتتۇرا، كىچىك تىپتىكى پۇل مۇئامىلە ئاپپاراتلىرىنىڭ خەۋپ-خەتەرنى بىر تەرەپ قىلىشىنى تېزلىتىپ، پۇل مۇئامىلىنى نازارەت قىلىش-باشقۇرۇش مېخانىزمىنى يەنىمۇ كۈچەيتىپ، ساغلام پۇل مۇئامىلە مۇھىتىنى قايتا يارىتىش كېرەك.

بازارلاشقان، قانۇنچىللاشقان، خەلقئارالاشقان بىرىنچى قاتاردىكى تىجارەت-سودا مۇھىتىنى كۈچەپ بەرپا قىلىپ، سودىگەر چاقىرىش، مەبلەغ جەلپ قىلىشنىڭ سۈپىتى ۋە سەۋىيەسىنى ئۆستۈرۈش كېرەك.

ئەمەلىي ئىقتىساد ئاساسىنى مۇستەھكەملەپ ۋە زورايتىپ، توپلاشتۇرۇلغان توك يولى، تور بىخەتەرلىكى، بىيو تېببىي دورا، ئېلېكتىر ئېنېرگىيەسى جابدۇقلىرى، بىخەتەرلىك بويىچە جىددىي ئىشلارغا تاقابىل تۇرۇش جابدۇقلىرى قاتارلىق ئىستراتېگىيەلىك يېڭىدىن گۈللەنگەن كەسىپلەرنىڭ تەرەققىياتىنى ئەڭ مۇھىم ئىش دەپ بىلىپ، دۇنيا دەرىجىلىك ئىلغار ياسىمىچىلىق توپىنى كۈچەپ بەرپا قىلىش كېرەك.

كارخانىلارنىڭ ئاساسىي گەۋدىلىك ئورنىنى يەنىمۇ كۈچەيتىپ، يېڭىلىق يارىتىش زەنجىرى، كەسىپ زەنجىرى، مەبلەغ زەنجىرى ۋە ئىختىساسلىقلار زەنجىرىنىڭ چوڭقۇر يۇغۇرۇلۇشىنى ئالغا سىلجىتىپ، پەن-تېخنىكا نەتىجىلىرىنى ئايلاندۇرۇش ۋە كەسىپلەشتۈرۈش سەۋىيەسىنى ئۈزلۈكسىز ئۆستۈرۈپ، يەرشارىۋى تەسىر كۈچكە ئىگە كەسىپلەر بويىچە پەن-تېخنىكىدا يېڭىلىق يارىتىش مەركىزى بەرپا قىلىش كېرەك.

ئوتتۇرا، كىچىك كارخانىلارنىڭ يېڭىلىق يارىتىشىغا مەدەت بېرىشنى كۈچەيتىپ، مۇستەقىل بىلىم مۈلۈك ھوقۇقى ۋە يادرولۇق رىقابەت كۈچىگە ئىگە تېخىمۇ كۆپ يېڭىلىق يارىتىش تىپىدىكى كارخانىنى يېتىشتۈرۈش كېرەك.

جۇڭگو چوڭ دۆلەت، ئەمەلىي ئىقتىسادقا ئەھمىيەت بېرىپ، ئۆز كۈچىگە تايىنىپ ئىش كۆرۈش يولىدا مېڭىشى كېرەك.

قۇدرەتلىك دۆلەت قۇرۇش، مىللەتنى گۈللەندۈرۈش يېڭى مۇساپىسىدە، بىز قەتئىي تەۋرەنمەي يۇقىرى سۈپەتلىك تەرەققىياتقا تۈرتكە بولۇشىمىز كېرەك.

سوتسىيالىستىك ئاساسىي ئىقتىسادىي تۈزۈمدە چىڭ تۇرۇپ ۋە ئۇنى مۇكەممەللەشتۈرۈپ، ئومۇمىي مۈلۈكچىلىك ئىگىلىكىنى قىلچە تەۋرەنمەي مۇستەھكەملەپ ۋە راۋاجلاندۇرۇپ، ئومۇمىي مۈلۈكچىلىكتىن باشقا ئىگىلىكنىڭ تەرەققىياتىنى قىلچە تەۋرەنمەي رىغبەتلەندۈرۈپ، قوللاپ ۋە يېتەكلەپ، بازارنىڭ بايلىق تەقسىملەشتىكى ھەل قىلغۇچ رولىنى تولۇق جارى قىلدۇرۇپ، ھۆكۈمەتنىڭ رولىنى تېخىمۇ ياخشى جارى قىلدۇرۇش كېرەك.

مۈلۈك ھوقۇقىنى قوغداش، بازار ئىجازىتى، ئادىل رىقابەت، ئىجتىمائىي ئىناۋەت قاتارلىق بازار ئىگىلىكى ئاساسىي تۈزۈملىرىنى مۇكەممەللەشتۈرۈپ، مونوپوللۇققا قارشى تۇرۇش ۋە ناتوغرا رىقابەتكە قارشى تۇرۇشنى كۈچەيتىپ، كاپىتالنىڭ ساغلام تەرەققىي قىلىشىنى قانۇن بويىچە قېلىپلاشتۇرۇپ ۋە يېتەكلەپ، تۈرلۈك تىجارەت ئاساسىي گەۋدىلىرىنىڭ مەبلەغ سېلىپ ئىگىلىك تىكلىشى ئۈچۈن ياخشى مۇھىت يارىتىپ، تۈرلۈك تىجارەت ئاساسىي گەۋدىلىرىنىڭ ھاياتىي كۈچىنى ئۇرغۇتۇش كېرەك.

رايونلار ماس تەرەققىيات ئىستراتېگىيەسى، رايونلار مۇھىم، زور ئىستراتېگىيەسى، ئاساسىي فۇنكسىيەلىك رايون ئىستراتېگىيەسى قاتارلىقلارنىڭ چوڭقۇر يۇغۇرۇلۇشىغا تۈرتكە بولۇپ، مۇھىم، زور ئىشلەپچىقىرىش كۈچلىرىنىڭ ئورۇنلاشتۇرمىسىنى سەرخىللاشتۇرۇپ، تۈرلۈك مۇھىم ئامىللارنىڭ مۇۋاپىق يۆتكىلىشى ۋە يۇقىرى ئۈنۈملۈك توپلىنىشىنى ئىلگىرى سۈرۈپ، دۆلەت ئىچىدىكى چوڭ ئايلىنىشنى راۋانلاشتۇرۇش كېرەك.

شەھەر-يېزا، رايونلارنىڭ ماس تەرەققىياتىنى ئومۇميۈزلۈك ئالغا سىلجىتىپ، دۆلەت ئىچىدىكى چوڭ ئايلىنىشنىڭ قاپلاش دائىرىسىنى ئۆستۈرۈش كېرەك. شەھەر-يېزا، رايونلارنىڭ ماس تەرەققىياتىنى ئىشقا ئاشۇرغاندىلا، دۆلەت ئىچىدىكى چوڭ ئايلىنىش بوشلۇقى تېخىمۇ كېڭىيىدۇ، سۈپىتى تېخىمۇ ئاشىدۇ.

ئىچكى ئېھتىياجنى كېڭەيتىش بىلەن تەمىنات تەرەپلىك قۇرۇلمىلىق ئىسلاھاتنى چوڭقۇرلاشتۇرۇشنى تېخىمۇ ياخشى بىرتۇتاش پىلانلاپ، دۆلەت ئىچىدىكى چوڭ ئايلىنىشنىڭ ھەرىكەتلەندۈرگۈچ كۈچى ۋە ئىشەنچلىكلىكىنى ئاشۇرۇش كېرەك.

يېڭى تەرەققىيات ئەندىزىسى بەرپا قىلىشنى تېزلىتىشتە، ئىككى ئۆلچەم بويىچە تەتقىق قىلىش ۋە ئورۇنلاشتۇرۇش كېرەك: بىرىنچى، دۆلىتىمىزنىڭ كەسىپ زەنجىرى، تەمىنلەش زەنجىرىدىكى كەمتۈكلۈكلەرنى، ئاجىز تۈرلەرنى تېخىمۇ قاراتمىلىق ھالدا تېزدىن تولۇقلاپ، خەلق ئىگىلىكىنىڭ ئايلىنىشىنىڭ راۋانلىقىغا ھەقىقىي كاپالەتلىك قىلىش؛ ئىككىنچى، دۆلەت ئىچىدىكى چوڭ ئايلىنىشنىڭ ئىچكى ھەرىكەتلەندۈرگۈچ كۈچى ۋە ئىشەنچلىكلىكىنى ئۆستۈرۈپ، خەلقئارا رىقابەت كۈچىنى ئاشۇرۇپ، خەلقئارا ئايلىنىشقا بولغان جەلپ قىلىش كۈچى ۋە تۈرتكىلىك كۈچىنى كۈچەيتىش كېرەك.

مۇھىم سىياسەتلەر، چوڭ-چوڭ تۈرلەر، مۇھىم ئىشلەپچىقىرىش كۈچلىرىنىڭ جايلىشىشىنىڭ ئىشقا ئورۇنلىشىشقا كۆرسىتىدىغان تەسىرىنى باھالاشنى كۈچەيتىپ، مالىيە، پۇل، سېلىنما، ئىستېمال، كەسىپ، رايون قاتارلىق جەھەتلەردىكى سىياسەتلەرنىڭ ئىشقا ئورۇنلاشتۇرۇش سىياسىتى بىلەن ماس ھەمتۈرتكە بولۇشى، ئوخشاش يۆنىلىشتە كۈچىشىگە تۈرتكە بولۇپ، ئىشقا ئورۇنلاشتۇرۇشنىڭ دوستانە بولۇش تىپىدىكى تەرەققىيات شەكلىنى بەرپا قىلىش كېرەك.

ئىقتىساد، جەمئىيەت تەرەققىياتىنىڭ يېڭى يۈزلىنىشى ۋە خەلق ئاممىسىنىڭ يۇقىرى سۈپەتلىك تۇرمۇشقا بولغان يېڭى ئارزۇسىغا ئاساسەن، يېڭى كەسىپ ھالىتى، يېڭى ئەندىزىنى زور كۈچ بىلەن راۋاجلاندۇرۇپ، يېڭى كەسىپ تۈرلىرىنى پائال قېزىپ، يېتىلدۈرۈپ، ئىشقا ئورۇنلاشتۇرۇشنىڭ يېڭى ئېشىش نۇقتىلىرىنى ئېچىش كېرەك.