ماركسىزملىق ئىلمىي نەزەرىيە يېتەكچىلىكىگە ئىگە بولۇش−پارتىيەمىزنىڭ ئېتىقاد-ئىشەنچنى چىڭىتىپ، تارىخىي تەشەببۇسكارلىقنى ئىگىلەشتىكى تۈپ ئاساسىدۇر

جۇڭگو كوممۇنىستىك پارتىيەسى نېمە ئۈچۈن قابىل، جۇڭگوچە سوتسىيالىزم نېمە ئۈچۈن ياخشى، تېگى-تەكتىدىن ئېيتقاندا، ماركسىزم يارايدۇ، جۇڭگوچىلاشقان، دەۋرلەشكەن ماركسىزم يارايدۇ

يېڭى دەۋردىكى 10 يىللىق ئۇلۇغ ئۆزگىرىش پارتىيە تارىخى، يېڭى جۇڭگو تارىخى، ئىسلاھات، ئېچىۋېتىش تارىخى، سوتسىيالىزمنىڭ تەرەققىيات تارىخى ۋە جۇڭخۇا مىللىتىنىڭ تەرەققىيات تارىخىدا ئابىدىلىك ئەھمىيەتكە ئىگە

يېڭى دەۋردىكى ئۇلۇغ مۇۋەپپەقىيەتلەرنى پارتىيە ۋە خەلق بىرلىكتە جان تىكىپ ئىشلەش، تىرىشىپ ئەجىر سىڭدۈرۈش، كۈرەش قىلىش ئارقىلىق قولغا كەلتۈردى!

بوشاشماي تىرىشىش ئارقىلىق، پارتىيەمىز تىنچلىق-قالايمىقانچىلىق، گۈللىنىش-خارابلىشىش تارىخىي دەۋرىيلىكىدىن بۆسۈپ چىقىشنىڭ ئۆزى ئۈستىدە ئىنقىلاب قىلىشتىن ئىبارەت بۇ ئىككىنچى جاۋابىنى تېپىپ چىقىپ، پارتىيەنىڭ سۈپىتى، خىسلىتى، خاراكتېرىنىڭ مەڭگۈ ئۆزگىرىپ كەتمەسلىكىگە ھەقىقىي كاپالەتلىك قىلدى

«يولۋاس دۇمبالاش»، «چىۋىن پالاقلاش»، «تۈلكە ئوۋلاش»قا تەڭ تۇتۇش قىلىپ، چىرىكلىككە قارشى كۈرەشنىڭ مۇتلەق غەلىبىسىنى قولغا كەلتۈرۈپ ھەم ئومۇميۈزلۈك مۇستەھكەملەپ، پارتىيە، دۆلەت، ئارمىيەنىڭ ئىچكى قىسمىدا ساقلانغان ئېغىر يوشۇرۇن خەۋپنى تۈگەتتۇق

تارىختا مىسلى كۆرۈلمىگەن چىرىكلىككە قارشى تۇرۇش كۈرىشىنى قانات يايدۇرۇپ، «نەچچە مىڭ كىشى رەنجىتىلسە مەيلىكى، 1 مىليارد 400 مىليون كىشىنىڭ ئۈمىدىنى يەردە قويۇشقا بولمايدۇ» دېگەن بۇرچ، مەسئۇلىيەت بىلەن ئىللەتنى تۈگىتىپ، قالايمىقانچىلىقنى تۈزەپ، چىرىكلىشىشكە پېتىنالمايدىغان، چىرىكلىشەلمەيدىغان، چىرىكلىشىشنى ئويلىمايدىغان قىلىشنى بىر گەۋدە قىلىپ ئالغا سىلجىتتۇق

جۇڭگوچە چوڭ دۆلەت دىپلوماتىيەسىنى ئومۇميۈزلۈك ئالغا سىلجىتىپ، ئىنسانىيەت تەقدىرى ئورتاق گەۋدىسى بەرپا قىلىشقا تۈرتكە بولۇپ، خەلقئارا ئادىللىق ۋە ھەققانىيلىقنى قەتئىي قوغداپ، ھەرقانداق يەككە تەرەپچىللىك، قورۇقچىلىق، مۇشتۇمزورلۇق قىلمىشلىرىغا قىلچە تەۋرەنمەي قارشى تۇرۇپ كەلدۇق

«بىر دۆلەت ئىككى تۈزۈم» ئەمەلىيىتىنى ئومۇميۈزلۈك، توغرا ئالغا سىلجىتىپ، «بىر دۆلەت ئىككى تۈزۈم»، «شياڭگاڭنى شياڭگاڭلىقلار ئىدارە قىلىش»، «ئاۋمېننى ئاۋمېنلىقلار ئىدارە قىلىش»، يۈكسەك ئاپتونومىيە فاڭجېنىدا چىڭ تۇردۇق

ئورتاق بەرپا قىلىدىغان، ئورتاق ئىدارە قىلىدىغان، ئورتاق بەھرىمەن بولىدىغان جەمئىيەت ئىدارە قىلىش تۈزۈمىنى يەنىمۇ تاكامۇللاشتۇرۇپ، قارا-رەزىل كۈچلەرنى يوقىتىش مەخسۇس كۈرىشىدە باسقۇچلۇق نەتىجىلەرنى قولغا كەلتۈرۈپ، بىر قاتار ئېغىر، زور تەبىئىي ئاپەتلەرگە كۈچلۈك تاقابىل تۇرۇپ، تىنچ جۇڭگو قۇرۇلۇشىنى تېخىمۇ يۇقىرى سەۋىيەگە كۆتۈردۇق

ئومۇمىي دۆلەت خەۋپسىزلىكى قارىشىنى ئىزچىللاشتۇرۇپ، دۆلەتنىڭ ئىگىلىك ھوقۇقى، خەۋپسىزلىكى، تەرەققىيات مەنپەئىتىنى قەيسەر ئىرادە ۋە خىسلەت بىلەن قوغداپ، دۆلەت خەۋپسىزلىكىنى ئومۇميۈزلۈك كۈچەيتتۇق

سۈزۈك سۇ، يېشىل تاغنىڭ ئۆزى بىر بايلىق دېگەن ئىدىيەدە چىڭ تۇرۇپ، تاغ، دەريا، ئورمان، ئېتىز، كۆل، ئوتلاق، قۇملۇقنى بىر گەۋدە قىلىپ قوغداش ۋە سىستېمىلىق تۈزەشتە چىڭ تۇرۇپ، ئېكولوگىيەلىك مۇھىتنى ھەر تەرەپلىمە، ئومۇمىي دائىرىلىك، پۈتۈن جەريانلىق قوغداشنى كۈچەيتىپ ،ئېكولوگىيەلىك مۇھىتنى قوغداشتا تارىخىي خاراكتېرلىك، بۇرۇلۇش خاراكتېرلىك، ئومۇمىيەت خاراكتېرلىك ئۆزگىرىش ياساپ، ۋەتىنىمىزنىڭ ئاسمىنىنى تېخىمۇ كۆپكۆك، تاغلىرىنى تېخىمۇ ياپيېشىل، سۇلىرىنى تېخىمۇ سۈپسۈزۈك قىلدۇق

خەلق ئاممىسىنىڭ ئېرىشىش تۇيغۇسى، بەخت تۇيغۇسى، بىخەتەرلىك تۇيغۇسى تېخىمۇ مول، تېخىمۇ كاپالەتلىك، تېخىمۇ ئىمكانىيەتلىك سىجىل بولۇپ، ئورتاق بېيىشتا يېڭى نەتىجىلەر قولغا كەلدى

ئاھالىنىڭ ئىلكىدىكى ئوتتۇرىچە كىرىمى 16 مىڭ 500 يۈەندىن كۆپىيىپ 35 مىڭ 100 يۈەنگە يەتتى

جۇڭگوچە سوتسىيالىستىك سىياسىي تەرەققىيات يولىدا مېڭىشتا چىڭ تۇرۇپ، پۈتۈن جەريانلىق خەلق دېموكراتىيەسىنى ئومۇميۈزلۈك راۋاجلاندۇرۇپ، سوتسىيالىستىك دېموكراتىك سىياسىينىڭ تۈزۈملىشىشى، قېلىپلىشىشى، تەرتىپلىشىشىنى ئومۇميۈزلۈك ئالغا سىلجىتتۇق

دۆلىتىمىز 140 نەچچە دۆلەت ۋە رايوننىڭ ئاساسلىق سودا ھەمراھىغا ئايلىنىپ، مال سودىسى ئومۇمىي سوممىسى جەھەتتە دۇنيا بويىچە بىرىنچى ئورۇنغا ئۆتتى، تاشقى مەبلەغ جەلپ قىلىش ۋە سىرتقا مەبلەغ سېلىش جەھەتتە دۇنيانىڭ ئالدىنقى قاتارىغا كىردى، تېخىمۇ زور دائىرە، تېخىمۇ كەڭ ساھە، تېخىمۇ چوڭقۇر قاتلاملىق سىرتقا ئېچىۋېتىش ئەندىزىسى شەكىللەندى

ئۇل تەتقىقات ۋە دەسلەپكى يېڭىلىق يارىتىشنى ئۈزلۈكسىز كۈچەيتىپ، بەزى ئاچقۇچلۇق، يادرولۇق تېخنىكىلاردا بۆسۈش ھاسىل قىلدۇق، يېڭىدىن گۈللىنىۋاتقان ئىستراتېگىيەلىك كەسىپلەرنى تەرەققىي قىلدۇردۇق ۋە زورايتتۇق، ئادەملىك ئالەم قاتنىشى، ئاي چارلاش، مارس چارلاش، چوڭقۇر دېڭىز - چوڭقۇر يەرنى تەكشۈرۈش، سۇپېر كومپيۇتېر، سۈنئىي ھەمراھ يول باشلاش سىستېمىسى، كىۋانتلىق ئۇچۇر، يادرو ئېلېكتىر تېخنىكىسى، يېڭى ئېنېرگىيە تېخنىكىسى، چوڭ ئايروپىلان ياساش، بىيودورا قاتارلىق جەھەتلەردە مۇھىم، زور نەتىجىلەرنى قولغا كەلتۈرۈپ، ئىجادچان دۆلەتلەر قاتارىغا كىردۇق

دۆلىتىمىزنىڭ ياسىمىچىلىق كۆلىمى، تاشقى پېرېۋوت زاپىسى دۇنيا بويىچە بىرىنچى ئورۇندا مۇقىم تۇرۇپ كەلدى

ئىچكى ئىشلەپچىقىرىش ئومۇمىي قىممىتى 54 تىرىليون يۈەندىن ئېشىپ 114 تىرىليون يۈەنگە يەتتى، دۆلىتىمىز ئىقتىسادىي ئومۇمىي مىقدارىنىڭ دۇنيا ئىقتىسادىدا تۇتقان سالمىقى %18.5كە يېتىپ، 7.2 پىرسەنت پوئېنت ئېشىپ، دۇنيا بويىچە ئىككىنچى ئورۇندا مۇقىم تۇردى

بىز داۋاملىق كۈرەش قىلىش ئارقىلىق، جۇڭخۇا مىللىتىنىڭ ھاللىق سەۋىيەگە يېتىشتىن ئىبارەت مىڭ يىللىق ئارزۇسىنى ئىشقا ئاشۇرۇپ،ئىنسانىيەت تارىخىدىكى ئەڭ زور كۆلەملىك نامراتلىقتىن قۇتۇلدۇرۇش ئۆتكىلىگە ھۇجۇم قىلىش جېڭىدە غەلىبە قازىنىپ، پۈتۈن مەملىكەتتىكى 832 نامرات ناھىيەنىڭ ھەممىسىنىڭ نامراتلىق قالپىقىنى چۆرۈپ تاشلاپ، يېزىلاردىكى 100 مىليونغا يېقىن نامرات ئاھالىنى نامراتلىقتىن قۇتۇلدۇرۇپ، 9 مىليون 600 مىڭدىن ئارتۇق نامرات ئاھالىنى باشقا جايغا كۆچۈردۇق