جۇڭگو تىنچلىقتا بىللە تۇرۇش بەش پىرىنسىپى ئاساسىدا ھەرقايسى دۆلەتلەر بىلەن دوستانە ھەمكارلىقنى راۋاجلاندۇرۇشتا چىڭ تۇرۇپ، يېڭىچە خەلقئارا مۇناسىۋەتنىڭ ئورنىتىلىشىغا تۈرتكە بولۇپ، باراۋەر بولۇش، ئوچۇق بولۇش، ھەمكارلىشىشتىن ئىبارەت يەرشارىۋى ھەمراھلىق مۇناسىۋىتىنى چوڭقۇرلاشتۇرۇپ ۋە كېڭەيتىپ، ھەرقايسى دۆلەتلەر بىلەن بولغان مەنپەئەت بىرىكىش نۇقتىسىنى كېڭەيتىشكە كۈچ چىقىرىدۇ

بىخەتەرلىكنى بىرىنچى ئورۇنغا قويۇش، ئالدىنى ئېلىشنى ئاساس قىلىشتا چىڭ تۇرۇپ، بۈيۈك خەۋپسىزلىك، بۈيۈك جىددىي ئىشلارغا تاقابىل تۇرۇش رامكىسى بەرپا قىلىپ، ئاممىۋى بىخەتەرلىك سىستېمىسىنى مۇكەممەللەشتۈرۈپ، ئاممىۋى بىخەتەرلىكنى ئىدارە قىلىش ئەندىزىسىنىڭ ئىشتىن بۇرۇن ئالدىنى ئېلىش تىپىغا ئۆزگىرىشىگە تۈرتكە بولۇشىمىز كېرەك

دۆلىتىمىزنىڭ ئېنېرگىيە بايلىقى ئەۋزەللىكىنى مەۋقە قىلىپ، ئاۋۋال ئورنىتىپ ئاندىن بۇزۇشتا چىڭ تۇرۇپ، كاربوننى چوققا قىممەتكە يەتكۈزۈش ھەرىكىتىنى پىلانلىق، قەدەم-باسقۇچلۇق يولغا قويۇشىمىز كېرەك

ئوتلاق، ئورمان، دەريا، كۆل، سۇلۇق يەرنى ئارام ئالدۇرۇپ ئەسلىگە كەلتۈرۈشنى يولغا قويۇپ، چاڭجياڭ دەرياسىدا بېلىق تۇتۇشنى ئون يىل مەنئى قىلىشنى ياخشى يولغا قويۇپ، تېرىلغۇ يەرنى شۈدىگەرلەش-نۆۋەتلەشتۈرۈپ تېرىش تۈزۈمىنى تاكامۇللاشتۇرۇشىمىز كېرەك

ئومۇميۈزلۈك تېجەش ئىستراتېگىيەسىنى يولغا قويۇپ، تۈرلۈك بايلىقتىن تېجەشلىك، تۈجۈپىلىك پايدىلىنىشنى ئالغا سىلجىتىپ، تاشلاندۇقلاردىن ئايلانما پايدىلىنىش سىستېمىسىنى تېز بەرپا قىلىشىمىز لازىم

داۋالاش-ساقلىق ساقلاش قوشۇنىنى راۋاجلاندۇرۇپ ۋە زورايتىپ، يېزا ۋە مەھەللىلەرنى خىزمەتنىڭ مۇھىم نۇقتىسى قىلىشىمىز كېرەك

تەرەققىيات داۋامىدا خەلق تۇرمۇشىنى كاپالەتلەندۈرۈش ۋە ياخشىلاشتا چىڭ تۇرۇپ، ئورتاق كۈرەش قىلىپ گۈزەل تۇرمۇش يارىتىشقا ئىلھام بېرىپ، خەلقنىڭ گۈزەل تۇرمۇشقا بولغان ئىنتىلىشىنى ئۈزلۈكسىز ئىشقا ئاشۇرۇشىمىز شەرت

خەلققە بەخت يارىتىش − ئومۇم ئۈچۈن پارتىيە قۇرۇش، خەلق ئۈچۈن ھاكىمىيەت يۈرگۈزۈشنىڭ ماھىيەتلىك تەلىپى

جۇڭخۇا مەدەنىيىتى مەيدانىنى چىڭ ساقلاپ، جۇڭخۇا مەدەنىيلىكىنىڭ مەنىۋى بەلگىسى ۋە مەدەنىيەت جەۋھىرىنى تاۋلاپ چىقىپ ۋە نامايان قىلىپ، جۇڭگو سۆز سىستېمىسى ۋە جۇڭگو بايان سىستېمىسى بەرپا قىلىشنى تېزلىتىپ، جۇڭگو ھېكايىسىنى ياخشى سۆزلەپ، جۇڭگو ساداسىنى ياخشى تارقىتىپ، ئىشەنچلىك، سۆيۈملۈك، ھۆرمەتكە سازاۋەر جۇڭگو ئوبرازىنى نامايان قىلىشىمىز كېرەك

خەلق مەركەز قىلىنغان ئىجادىيەت يۆنىلىشىدە چىڭ تۇرۇپ، خەلقنىڭ مەنىۋى كۈچىنى ئاشۇرىدىغان تېخىمۇ كۆپ نادىر ئەسەرلەرنى يارىتىپ، ئەخلاق ۋە سەنئەتتە قوش كامالەتكە يەتكەن زور بىر تۈركۈم ئەدەبىيات-سەنئەتچىلەرنى ۋە زور كۆلەملىك مەدەنىيەت، ئەدەبىيات-سەنئەت ئىختىساسلىقلىرى قوشۇنىنى يېتىشتۈرۈشىمىز كېرەك

جۇڭگو كوممۇنىستلىرىنىڭ ئۇلۇغ پارتىيە قۇرۇش روھى مەنبە قىلىنغان مەنىۋى شەجەرىسىنى ئەۋج ئالدۇرۇپ، قىزىل بايلىقتىن ياخشى پايدىلىنىپ، سوتسىيالىستىك يادرولۇق قىممەت قارىشى تەشۋىق-تەربىيەسىنى چوڭقۇر قانات يايدۇرۇپ، ۋەتەنپەرۋەرلىك، كوللېكتىۋىزم، سوتسىيالىزم تەربىيەسىنى چوڭقۇرلاشتۇرۇپ، مىللەتنى گۈللەندۈرۈش ئۇلۇغ ۋەزىپىسىنى زىممىسىگە ئالالايدىغان دەۋر يېڭى كىشىلىرىنى تىرىشىپ يېتىشتۈرۈشىمىز كېرەك

پارتىيەنىڭ ئىدېئولوگىيە خىزمىتىگە بولغان رەھبەرلىك ھوقۇقىنى پۇختا ئىگىلەپ، ئىدېئولوگىيە خىزمىتى مەسئۇلىيەت تۈزۈمىنى ئومۇميۈزلۈك ئەمەلىيلەشتۈرۈپ، يېڭى دەۋردە جەسۇرانە ئىلگىرىلەيدىغان ئاساسىي ئىدىيە ۋە ئاممىۋى پىكىرنى ئۈزلۈكسىز مۇستەھكەملىشىمىز ۋە زورايتىشىمىز كېرەك

بىز ماركسىزم ئىدېئولوگىيە ساھەسىدە يېتەكچى ئورۇندا تۇرىدىغان تۈپ تۈزۈمدە چىڭ تۇرۇشىمىز كېرەك

سوتسىيالىستىك زامانىۋىلاشقان دۆلەتنى ئومۇميۈزلۈك قۇرۇشتا، جۇڭگوچە سوتسىيالىستىك مەدەنىيەت تەرەققىياتى يولىدا چىڭ تۇرۇپ، مەدەنىيەت ئىشەنچىنى كۈچەيتىپ، بايراقنى ئېگىز كۆتۈرۈش، ئەلرايىنى مۇجەسسەملەش، يېڭى كىشىلەرنى يېتىشتۈرۈش، مەدەنىيەتنى گۈللەندۈرۈش، ئوبرازنى نامايان قىلىشنى چۆرىدەپ سوتسىيالىستىك مەدەنىيەت كۈچلۈك دۆلىتى قۇرۇپ چىقىش شەرت

سوتسىيالىستىك قانۇنچىللىق روھىنى ئەۋج ئالدۇرۇپ، جۇڭخۇا ئېسىل ئەنئەنىۋى قانۇن مەدەنىيىتىگە ۋارىسلىق قىلىپ، ئومۇمىي خەلقنى سوتسىيالىستىك قانۇنچىللىقنىڭ سادىق قەدىرلىگۈچىلىرى، ئاڭلىق رىئايە قىلغۇچىلىرى، قەتئىي قوغدىغۇچىلىرىدىن بولۇشقا يېتەكلىشىمىز كېرەك

قانۇن يۈرگۈزۈش تۈزۈلمىسىنىڭ ئۇنىۋېرسال يانداش ئىسلاھاتىنى چوڭقۇرلاشتۇرۇپ، قانۇن يۈرگۈزۈش مەسئۇلىيەت تۈزۈمىنى ئومۇميۈزلۈك، توغرا ئەمەلىيلەشتۈرۈپ، ئادىل، يۇقىرى ئۈنۈملۈك، نوپۇزلۇق سوتسىيالىستىك قانۇن يۈرگۈزۈش تۈزۈمىنى تېز بەرپا قىلىپ، ھەربىر قانۇن يۈرگۈزۈش دېلوسىدا خەلق ئاممىسىغا ئادىللىق ۋە ھەققانىيلىقنى تىرىشىپ ھېس قىلدۇرۇشىمىز كېرەك

مەمۇرىي قانۇن ئىجرا قىلىش تۈزۈلمىسى ئىسلاھاتىنى چوڭقۇرلاشتۇرۇپ، قانۇننى قاتتىق، قېلىپلىق، ئادىل، مەدەنىي ئىجرا قىلىشنى ئومۇميۈزلۈك ئالغا سىلجىتىپ، ئاممىنىڭ جانىجان مەنپەئىتىگە مۇناسىۋەتلىك نۇقتىلىق ساھەلەردە قانۇن ئىجرا قىلىش سالمىقىنى ئاشۇرۇپ، مەمۇرىي قانۇن ئىجرا قىلىش تەرتىپىنى مۇكەممەللەشتۈرۈپ، مەمۇرىي جازا ئۆلچەش ئۆلچىمىنى مۇكەممەللەشتۈرۈشىمىز كېرەك

ھۆكۈمەت فۇنكسىيەسىنى ئۆزگەرتىپ، ھۆكۈمەتنىڭ مەسئۇلىيەت سىستېمىسى ۋە تەشكىلىي قۇرۇلمىسىنى سەرخىللاشتۇرۇپ، ئاپپارات، فۇنكسىيە، ھوقۇق چېكى، تەرتىپ، مەسئۇلىيەتنى قانۇندا بەلگىلەشنى ئالغا سىلجىتىپ، مەمۇرىيەتنىڭ ئۈنۈمى ۋە ئىناۋىتىنى ئۆستۈرۈشىمىز كېرەك

قانۇنچىل دۆلەت، قانۇنچىل ھۆكۈمەت، قانۇنچىل جەمئىيەتنى بىر گەۋدىلەشتۈرۈپ قۇرۇشتا چىڭ تۇرۇپ، قانۇننى ئىلمىي چىقىرىش، قانۇننى قاتتىق ئىجرا قىلىش، قانۇننى ئادىل يۈرگۈزۈش، ئومۇمىي خەلق قانۇنغا رىئايە قىلىشنى ئومۇميۈزلۈك ئالغا سىلجىتىپ، دۆلەتنىڭ ھەرقايسى تەرەپلەردىكى خىزمەتلىرىنىڭ قانۇنچىللىشىشىنى ئومۇميۈزلۈك ئالغا سىلجىتىشىمىز كېرەك

قانۇنچىللىقنىڭ ئاساسنى پۇختىلاش، كۆزلىمىنى مۇقىملاشتۇرۇش، كەلگۈسىگە نەپ يەتكۈزۈشتەك كاپالەتلىك رولىنى تېخىمۇ ياخشى جارى قىلدۇرۇپ، قانۇنچىللىق يولىدا سوتسىيالىستىك زامانىۋىلاشقان دۆلەتنى ئومۇميۈزلۈك قۇرۇشىمىز شەرت