ئانار بۇلۇت\شىنجاڭ گېزىتى خەۋىرى (مۇخبىر جاڭ شياۋمى خەۋەر قىلىدۇ) 5-ئاينىڭ 18-كۈنى، شيېچېڭ ئىستىراھەت قورۇقى(نارات بىرلەشمە تىجارەت دۇكىنى) رەسمىي تىجارەت باشلاپ، مەنزىرىسى گۈزەل نارات ساياھەت ئىستىراھەت رايونىغا يەنە بىر يۇقىرى سۈپەتلىك ساياھەت قونالغۇ تاللاش تۈرى قوشۇلدى.
5-ئاينىڭ 18-كۈنى، ساياھەتچىلەر قورۇق ئىچىدە ئېكىسكۇرسىيە قىلماقتا.ئانار بۇلۇت\شىنجاڭ گېزىتى مۇخبىرى جاڭ شياۋمى فوتوسى
قورۇق نارات ساياھەت ئىستىراھەت رايونىغا جايلاشقان. پۈتكۈل قورۇق توققۇز كىچىك ياغاچ ئۆي ۋە بىر كورپۇس ئاساسىي بىنانى چۆرىدەپ سېلىنغان بولۇپ، 18 ئېغىز ئۆينى ئۆز ئىچىگە ئالىدۇ، بۇ تۈرگە ئومۇمىي سېلىنغان مەبلەغ 11 مىليون يۈەندىن ئاشىدۇ، 2022-يىلى 6-ئايدا قۇرۇلۇش تەييارلىقىنى باشلاش يولغا قويۇلۇپ، 2023-يىلى 3-ئايدا پۈتتى.
5-ئاينىڭ 18-كۈنى چۈشتىن بۇرۇن، مۇخبىر بۇ قورۇقتا ياغاچ ئۆيلەرنىڭ ئورمان ئارىسىغا تارقاق سېلىنغانلىقىنى، تەبىئەت مەنزىرىسى بىلەن يۇغۇرۇلۇپ بىر گەۋدە بولغانلىقىنى، ساياھەتچىلەرنىڭ ئازادە ھالدا ئىشىك ئالدىدىكى تەۋرەنمە ئورۇندۇقتا دەم ئېلىش ۋاقتىدىن ھۇزۇرلىنىۋاتقانلىقىنى كۆردى.
«قايناقسۇنىڭ توختاپ قالماسلىقىغا، ئاستا-ئاستا ئوتتۇرىغا ئېقىپ چۈشۈشىگە كاپالەتلىك قىلىشىمىز لازىم.» ئاساسىي بىنانىڭ ئالدى سۇپىسىدا، گەنسۇدىن كەلگەن قەھۋە ئۇستىسى دوۋزى ئالدى سۇپىنىڭ باشقۇرغۇچىسى كەۋسەر باراتقا قولدا قەھۋە دەملەشنى ئۆگىتىۋاتاتتى. 23 ياشلىق كەۋسەرنىڭ ئۆيى نارات بازىرىنىڭ يېنجار كەنتىدە، ھازىر، بۇ قورۇق ئۇنىڭغا ئوخشاش شۇ جايدىكى خىزمەتچى خادىمدىن توققۇزنى قوبۇل قىلدى.
5-ئاينىڭ 18-كۈنى، قەھۋە ئۇستىسى دوۋزى ئالدى سۇپىنىڭ باشقۇرغۇچىسى كەۋسەر باراتقا قولدا قەھۋە دەملەشنى ئۆگەتمەكتە.ئانار بۇلۇت\شىنجاڭ گېزىتى مۇخبىرى جاڭ شياۋمى فوتوسى
5-ئاينىڭ 18-كۈنى، ئالدى سۇپىنىڭ باشقۇرغۇچىسى كەۋسەر بارات ئۆي ئىچىدىكى بېزەكلەرنى رەتلىمەكتە.ئانار بۇلۇت\شىنجاڭ گېزىتى مۇخبىرى جاڭ شياۋمى فوتوسى
شيېچېڭ 6-ئايدا قورۇقنى چۆرىدەپ دالىدا قونۇش كاتتا مەرىكە پائالىيىتى ئۆتكۈزۈشنى پىلانلىدى. دالىدا قونۇش + مۇزىكا، + يېمەك-ئىچمەك، يوگا ھەرىكىتى، + تۇرمۇش بازىرى قاتارلىقلار ئارقىلىق، پۈتۈن مەملىكەتتىكى ئابونتلارغا يۈزلىنىپ، ناراتنىڭ دالىدا قونۇش يېڭى كەسىپ ھالىتىنى ئومۇملاشتۇرۇپ، تېخىمۇ كۆپ ساياھەتچىلەرنى كېلىپ ھېس قىلىشقا جەلپ قىلىدۇ.
شيېچېڭ گۇرۇھىنىڭ مۇئاۋىن لىدىرى، شيېچېڭ تەتقىقات يۇرتى يېزا-كەنتلەرنى گۈللەندۈرۈش تەتقىقات مەركىزىنىڭ مۇدىرى لى جېننى مۇنداق دېدى: «نارات چولپان ساياھەت ئورنى بولۇش سۈپىتى بىلەن، ئابونتلارنىڭ شيېچېڭ ئارقىلىق ئىزدەش، ئالدىن زاكاز قىلىش سانلىق مەلۇماتى تەدرىجىي ئاشتى، بىز شيېچېڭ گۇرۇھىنىڭ بازار چاقىرىقى ئارقىلىق، ناراتنىڭ كەسىپ دەرىجىسىنى ئۆستۈرۈش، مۇلازىمەت دەرىجىسىنى ئۆستۈرۈش، پۇقرالارنىڭ كىرىمىنى ئاشۇرۇشنى ئىلگىرى سۈرىمىز.» بۇنىڭدىن كېيىن، شيېچېڭ گۇرۇھى ئۆز مەھسۇلاتلىرىنىڭ ماركىسى ۋە خەلقئارالىشىش ئەۋزەللىكىدىن پايدىلىنىپ، نارات ساياھەتچىلىكىنىڭ ئېشىش سۈرئىتىنى پۈتۈن كۈچ بىلەن ئىلگىرى سۈرىدىكەن.
بۇ يىل، ناراتنىڭ يېمەك-ئىچمەك، قونالغۇلىرى ئۈزلۈكسىز يېڭىلىنىپ، دۆلەت ئىچىدىكى داڭلىق يېمەك-ئىچمەك ماركىسى، ئائىلىۋى قونالغۇ، ئارشاڭ مېھمانسارىيى، ئۆي ئاپتوموبىلى لاگېرى قاتارلىقلارنى كىرگۈزدى. نارات مەنزىرە رايونى ساياھەت تەرەققىيات باشقۇرۇش ئىدارىسىنىڭ ئىدارە باشلىقى ۋاڭ سۇۋېن مۇنداق دېدى: «بىز نارات مەنزىرە رايونىنىڭ ساياھەت مۇلازىمەت سۈپىتى ۋە يېمەك-ئىچمەك سەۋىيەسىنى يەنىمۇ ئۆستۈرۈشنى مۇھىم نۇقتا قىلىپ، ناراتنىڭ خاس تەبىئىي مەنزىرىسى، مىللىي خاسلىقى، بايلىق ئۈستۈنلۈكى قاتارلىق كۆپ تەرەپلىمە ئەۋزەللىكىگە بىرلەشتۈرۈپ، ساياھەتچىلەرگە تېخىمۇ ياخشى مۇلازىمەت قىلىمىز.»
