□ ئانار بۇلۇت\شىنجاڭ گېزىتى مۇخبىرى جاڭ يۈنمېي
«يېقىنقى يىللاردىن بۇيان، پارتىيە مەركىزىي كومىتېتىنىڭ سەمىمىي غەمخورلۇقىدا، شىنجاڭغا ياردەم بېرىۋاتقان ھەرقايسى ئۆلكە، بىۋاسىتە قاراشلىق شەھەرلەرنىڭ زور كۈچ بىلەن قوللىشىدا، شىنجاڭنىڭ تۈرلۈك ئىشلىرى تېز تەرەققىي قىلدى، بولۇپمۇ ساياھەتچىلىك كەسپىدە، بۇلتۇر ئاپتونوم رايون بويىچە كۈتۈۋېلىنغان ساياھەتچى 265 مىليون ئادەم قېتىم بولۇپ، تارىختىكى يېڭى يۇقىرى سەۋىيە يارىتىلدى.» 2 ـ ئاينىڭ 22 ـ كۈنى، مەملىكەتلىك سىياسىي كېڭەشنىڭ ئەزاسى، شىنجاڭ ئۇسسۇلچىلار جەمئىيىتىنىڭ رەئىسى دىلنار ئابلا مۇنداق دېدى: بۇ، ھەرقايسى مىللەتلەرنىڭ ئارىلىشىشى، ئالماشتۇرۇشى، يۇغۇرۇلۇشىنى يەنىمۇ ئىلگىرى سۈردى.
دىلنار ئابلا مۇنداق قارىدى: ساياھەتچىلىك خەلقنىڭ گۈزەل تۇرمۇش ئېھتىياجىنى قاندۇرۇش، ھەرقايسى مىللەتلەرنىڭ ئارىلىشىشى، ئالماشتۇرۇشى، يۇغۇرۇلۇشىنى ئىلگىرى سۈرۈشتىكى مۇھىم ۋاسىتە بولۇپ، ئىقتىساد، جەمئىيەت تەرەققىياتىغا مۇلازىمەت قىلىش، ھەرمىللەت خەلقنىڭ ساياھەت ئېھتىياجىنى قاندۇرۇش، خەلقنىڭ مەنىۋى كۈچىنى ئاشۇرۇش، جۇڭخۇا مىللىتى ئورتاق گەۋدىسى ئېڭىنى مۇستەھكەملەش قاتارلىق جەھەتلەردە مۇھىم رولىنى جارى قىلدۇرماقتا.
بۇلتۇر ئېچىلغان مەملىكەتلىك سىياسىي كېڭەش 14 ـ نۆۋەتلىك كومىتېتىنىڭ 1 ـ يىغىنىدا، ئۇ «ساياھەتچىلىكنى راۋاجلاندۇرۇپ، ھەرقايسى مىللەتلەرنىڭ ئارىلىشىشى، ئالماشتۇرۇشى، يۇغۇرۇلۇشىنى ئىلگىرى سۈرۈش توغرىسىدىكى تەكلىپ»نى سۇندى.
مەدەنىيەت ۋە ساياھەت مىنىستىرلىقى تەكلىپكە يۈكسەك ئەھمىيەت بېرىپ، دۆلەت مىللەتلەر ئىشلىرى كومىتېتى بىلەن كېڭەشكەندىن كېيىن، تېزدىن جاۋاب قايتۇردى.
جاۋابتا مۇنداق دېيىلدى: 2022 ـ يىلى 6 ـ ئايدا، مەدەنىيەت ۋە ساياھەت مىنىستىرلىقى، دۆلەت مىللەتلەر ئىشلىرى كومىتېتى، دۆلەت تەرەققىيات ۋە ئىسلاھات كومىتېتى بىرلىشىپ «ساياھەت ئارقىلىق ھەرقايسى مىللەتلەرنىڭ ئارىلىشىشى، ئالماشتۇرۇشى، يۇغۇرۇلۇشىنى ئىلگىرى سۈرۈش پىلانىنى يولغا قويۇش توغرىسىدىكى پىكىر» (تۆۋەندە قىسقارتىلىپ «پىكىر» دېيىلدى)نى بېسىپ تارقاتتى، پىكىردە، 2025 ـ يىلىغا بارغاندا، مىللەتلەر رايونلىرىدا ساياھەت ئەلا سۈپەتلىك تەمىناتىنى تېخىمۇ بېيىتىپ، ساياھەتچىلىكنىڭ يۇقىرى سۈپەتلىك تەرەققىيات سەۋىيەسىنى كۆرۈنەرلىك ئۆستۈرۈپ، ساياھەتچىلەر ئادەم قېتىم سانىنى زور دەرىجىدە ئاشۇرۇپ، ساياھەت ئۇل ئەسلىھەلىرىنى كۆرۈنەرلىك ياخشىلاپ، ھەرقايسى مىللەتلەرنىڭ ئارىلىشىشى، ئالماشتۇرۇشى، يۇغۇرۇلۇشىنى تېخىمۇ كەڭ دائىرىدە چوڭقۇرلاشتۇرۇشنى تىرىشىپ ئىشقا ئاشۇرۇش ئوتتۇرىغا قويۇلدى.
«پىكىر»نى يولغا قويۇش جەريانىدا، نەزەرىيە جەھەتتىكى تەتقىقات ۋە مۇھاكىمە ئۈزلۈكسىز كۈچەيتىلدى، تىپلار ئارقىلىق ئۈلگە كۆرسىتىپ يېتەكلەش كۈچەيتىلدى. 2022ـ يىلى، مەدەنىيەت ۋە ساياھەت مىنىستىرلىقىنىڭ ھاۋالىسى بىلەن، جۇڭگو ئىجتىمائىي پەنلەر ئاكادېمىيەسى شىنجاڭنى مىسال قىلىپ، ساياھەت ئارقىلىق ھەرقايسى مىللەتلەرنىڭ ئارىلىشىشى، ئالماشتۇرۇشى، يۇغۇرۇلۇشىنى ئىلگىرى سۈرۈش يولى توغرىسىدىكى تېما تەتقىقاتىنى قانات يايدۇرۇپ، ھەرقايسى جايلارنىڭ ساياھەت ئارقىلىق ھەرقايسى مىللەتلەرنىڭ ئارىلىشىشى، ئالماشتۇرۇشى، يۇغۇرۇلۇشىنى ئىلگىرى سۈرۈش خىزمىتىگە تۈرتكە بولۇشىنى پايدىلىنىش ماتېرىيالى بىلەن تەمىنلىدى. 2023 ـ يىلى، مەدەنىيەت ۋە ساياھەت مىنىستىرلىقى بۇ تۈرلۈك خىزمەتنى داۋاملىق قانات يايدۇرۇپ، شىنجاڭنىڭ ساياھەت ئارقىلىق ھەرقايسى مىللەتلەرنىڭ ئارىلىشىشى، ئالماشتۇرۇشى، يۇغۇرۇلۇشىنى ئىلگىرى سۈرگەنلىكىگە دائىر تىپىك مىساللارنى ئۈزلۈكسىز قېزىپ رەتلىدى.
دۆلەتنىڭ ئالاقىدار مىنىستىرلىق، كومىتېتلىرىنىڭ شىنجاڭ خىزمىتىگە يۈكسەك ئەھمىيەت بېرىشى ۋە ئۇنى مۇئەييەنلەشتۈرۈشى دىلنار ئابلانىڭ قەلبىنى ئىنتايىن ئىللىتتى، قايتۇرغان جاۋابتا ئوتتۇرىغا قويۇلغان كېيىنكى قەدەمدىكى خىزمەت تەدبىرلىرىمۇ ئۇنى ھەسسىلەپ روھلاندۇردى.
مەدەنىيەت ۋە ساياھەت مىنىستىرلىقى قايتۇرغان جاۋابىدا، خىزمەت سالمىقىنى يەنىمۇ زورايتىپ، دۆلەت مىللەتلەر ئىشلىرى كومىتېتى، دۆلەت تەرەققىيات ۋە ئىسلاھات كومىتېتى قاتارلىق تارماقلار بىلەن بىرلىشىپ، جايلارنىڭ ساياھەت ئارقىلىق ھەرقايسى مىللەتلەرنىڭ ئارىلىشىشى، ئالماشتۇرۇشى، يۇغۇرۇلۇشىنى ئىلگىرى سۈرۈش پىلانىنى ياخشى يولغا قويۇشنى ئالغا سىلجىتىشىغا يېتەكچىلىك قىلىپ، ساياھەتچىلىكنىڭ يۇقىرى سۈپەتلىك تەرەققىياتى ئارقىلىق جۇڭخۇا مىللىتى ئورتاق گەۋدىسى ئېڭىنى مۇستەھكەملەشكە ياردەم بېرىدىغانلىقىنى بىلدۈردى.
بۇ، ساياھەت ئارقىلىق ھەرقايسى مىللەتلەرنىڭ ئارىلىشىشى، ئالماشتۇرۇشى، يۇغۇرۇلۇشىنى ئىلگىرى سۈرۈش پىلانىنى نەق مەيداندا ئالغا سىلجىتىش يىغىنى ئېچىپ، ھەرقايسى جايلارنىڭ تەجرىبە، ئۇسۇللىرى توغرىسىدا پىكىر ئالماشتۇرۇپ، ھەرقايسى جايلارنىڭ يەرلىك خاس بايلىقلارنى قېزىپ، ساياھەت مەھسۇلاتلىرىنى ئۈزلۈكسىز موللاشتۇرۇپ، نادىر لىنىيە بەرپا قىلىشىغا يېتەكچىلىك قىلىش؛ جۇڭخۇا مىللىتى ئورتاق گەۋدىسى ئېڭىنى مۇستەھكەملەشنى نامايان قىلىدىغان ساياھەت لىنىيەسىنى لايىھەلەش ۋە بەرپا قىلىش، ھەم جەمئىيەتكە ئېلان قىلىپ، كەڭ ئاممىنى مىللەتلەر رايونىغا بېرىپ ساياھەت قىلىشقا جەلپ قىلىش، مىللەتلەر رايونلىرىدىكى ئاممىنى سىرتقا چىقىپ ساياھەت قىلىپ، ساياھەت پائالىيىتى داۋامىدا چوڭقۇر پىكىر ئالماشتۇرۇپ، جۇڭخۇا مىللىتى ئورتاق گەۋدىسى ئېڭىنى ئۈزلۈكسىز مۇستەھكەملەشكە ئىلھاملاندۇرۇش؛ دۆلەت مىللەتلەر ئىشلىرى كومىتېتى دۆلەت مەدەنىيەت يادىكارلىقلىرى ئىدارىسى بىلەن بىرلىكتە جۇڭخۇا مىللىتى ئورتاق گەۋدىسى ئېڭى باش تېمىسىدىكى مۇزېي تىزىملىكىنى ئېلان قىلىپ، مۇزېينىڭ يادىكارلىقلار ئارقىلىق تارىخنى ئىسپاتلاش، تارىخ ئارقىلىق ئادەم تەربىيەلەش رولىنى جارى قىلدۇرۇپ، ھەرمىللەت ئاممىنى توغرا جۇڭخۇا مىللىتى تارىخ قارىشى تۇرغۇزۇشقا يېتەكلەش؛ دۆلەت مىللەتلەر ئىشلىرى كومىتېتى ئاز سانلىق مىللەتلەر ئۆزگىچە كەنت ساياھىتىنىڭ دەرىجىسىنى ئۆستۈرۈش قۇرۇلۇشىنى پىلانلاپ قانات يايدۇرۇپ، ئاز سانلىق مىللەتلەر ئۆزگىچە كەنت مەدەنىيىتى ۋە ساياھەت بايلىقىنى چوڭقۇر قېزىپ، مىللەتلەر كەنتىنىڭ ساياھەتنى تەرەققىي قىلدۇرۇشىغا تۈرتكە بولۇپ، يېزا ـ كەنتلەرنى گۈللەندۈرۈش ئىستراتېگىيەسىگە مۇلازىمەت قىلىشنى ئۆز ئىچىگە ئالىدۇ.
«شىنجاڭ ياخشى جاي، دۆلەتنىڭ زور كۈچ بىلەن قوللىشىدا، شىنجاڭ چوقۇم بارغانسېرى ياخشى تەرەققىي قىلىدۇ.» دىلنار ئابلا مۇنداق دېدى: دۆلەت ئىچى ـ سىرتىدىكى تېخىمۇ كۆپ ساياھەتچىنىڭ شىنجاڭغا كېلىپ، شىنجاڭنىڭ تەرەققىياتى ھەم شىنجاڭدىكى ھەر مىللەت خەلقنىڭ گۈزەل تۇرمۇشىنى ئۆز كۆزى بىلەن كۆرۈپ بېقىشىنى قارشى ئالىمىز.
