شىنجاڭ گېزىتى، ئۈرۈمچى، 12-ئاينىڭ 8-كۈنى خەۋىرى ئانار بۇلۇت\شىنجاڭ گېزىتى مۇخبىرى ياۋ گاڭ خەۋەر قىلىدۇ: 12-ئاينىڭ 8 -كۈنى، «ياخشىمۇسىز! جۇڭگو» − 2024-يىللىق جۇڭگونىڭ شىمالىي قىسمىدىكى قار - مۇز ساياھىتىنى مەملىكەت سىرتىدا كېڭەيتىش پەسلىنى باشلاش مۇراسىمى ئۈرۈمچىدە ئۆتكۈزۈلدى. ئاپتونوم رايونلۇق پارتىيە كومىتېتى دائىمىي كومىتېتىنىڭ ئەزاسى، تەشۋىقات بۆلۈمىنىڭ بۆلۈم باشلىقى ۋاڭ جيەنشىن قاتناشتى.
بۇ قېتىمقى كېڭەيتىش پەسلى پائالىيىتىنى مەدەنىيەت ۋە ساياھەت مىنىستىرلىقى جۇڭگو - چەت ئەل مەدەنىيەت ئالماشتۇرۇش مەركىزى ۋە بېيجىڭ، تيەنجىن، خېبېي، سەنشى، ئىچكى موڭغۇل، لياۋنىڭ، جىلىن، خېيلۇڭجياڭ، شىنجاڭدىن ئىبارەت توققۇز ئۆلكە، ئاپتونوم رايون، بىۋاسىتە قاراشلىق شەھەرلىك مەدەنىيەت ۋە ساياھەت نازارىتى (ئىدارىسى) چەت ئەلدىكى ئەلچىخانا - كونسۇلخانا، مەملىكەت سىرتىدىكى جۇڭگو مەدەنىيەت مەركىزى ۋە مەملىكەت سىرتىدا تۇرۇشلۇق ساياھەت ئىش بېجىرىش ئورنى بىلەن قول تۇتۇشۇپ بىرلىكتە تەشكىللەپ قانات يايدۇرغان. پائالىيەتتە دىققەت «قار - مۇز ئارزۇسىنى ئىشقا ئاشۇرۇپ، كەلگۈسىگە يۈزلىنىش» باش تېمىسىغا مەركەزلەشتۈرۈلۈپ، مەملىكەت سىرتىدا جۇڭگو مۇنەۋۋەر كارخانىلىرىنىڭ مەملىكەت سىرتىدا زىيارەتتە بولۇش پائالىيىتى ئۆتكۈزۈلىدۇ، قار - مۇز مەدەنىيىتى ساياھەت ئېسىل بايلىقلىرى ئېلان قىلىنىدۇ، «قار - مۇز شانلىق سەھىپىسىنى ئورتاق پۈتۈش» تور ۋە تور سىرتى باش تېما كۆرگەزمىسى، جۇڭگونىڭ شىمالىي قىسمىدىكى خاس مەدەنىيەت ۋە ساياھەت بايلىقلىرىنى كۆرسىتىش قاتارلىقلار ئېلىپ بېرىلىدۇ. پائالىيەت 2024-يىلى 2-ئايغىچە داۋاملىشىدۇ ھەم مالايسىيا، ئەرەب بىرلەشمە خەلىپىلىكىدە «ياخشىمۇسىز! جۇڭگو» تور سىرتىدىكى مەملىكەت سىرتى مەخسۇس تونۇشتۇرۇش يىغىنى ئۆتكۈزۈلىدۇ.
شىنجاڭ شىمالىي كەڭلىك 47 گىرادۇستىكى 1000 چاقىرىملىق «ئالتۇن قار سىزىقى»غا جايلاشقان بولۇپ، دۇنيا دەرىجىلىك قار - مۇز بايلىقىغا ئىگە. يېقىنقى يىللاردىن بۇيان، «شىنجاڭنى ساياھەت ئارقىلىق گۈللەندۈرۈش» ئىستراتېگىيەسىنىڭ چوڭقۇر يولغا قويۇلۇشىغا ئەگىشىپ، شىنجاڭنىڭ قار - مۇز كەسپى يۇقىرى سۈپەتلىك تەرەققىيات مۇھىم پۇرسىتىنى كۈتۈۋالدى، قار - مۇز تەنھەرىكىتى، قار - مۇز ساياھىتى شىنجاڭ ساياھەتچىلىكى جىپسىلىما رەسىمىدىكى يېڭى يارقىن نۇقتىغا ئايلانماقتا. بۇ قېتىمقى كېڭەيتىش پەسلىدىن پايدىلىنىپ، شىنجاڭ قار - مۇزنى ۋاسىتە قىلىش ئارقىلىق دۇنيانىڭ ھەرقايسى جايلىرىدىكى قار - مۇز تەنھەرىكىتى ھەۋەسكارلىرىنىڭ شىنجاڭغا كېلىپ، شىنجاڭنىڭ قار - مۇز گۈزەللىكى، ئادىمىيەت گۈزەللىكىنى ھېس قىلىشىنى قارشى ئالىدۇ.
مەدەنىيەت ۋە ساياھەت مىنىستىرلىقىنىڭ ئالاقىدار مەھكىمە، ئىدارىلىرىدىكى ئالاقىدار يولداشلار، لياۋنىڭ ئۆلكىسى قاتارلىق ئۆلكە، ئاپتونوم رايون، بىۋاسىتە قاراشلىق شەھەرلەرنىڭ مەدەنىيەت ۋە ساياھەت مەسئۇل تارماقلىرىنىڭ مەسئۇللىرى، ماۋرىتىئۇس، ۋېنېزۇئېلا، فىلىپپىن قاتارلىق دۆلەتلەرنىڭ جۇڭگودا تۇرۇشلۇق دىپلوماتىيە ئەمەلدارلىرى، ساياھەت كارخانىلىرى ۋەكىللىرى ھەمدە مۇتەخەسسىسلەر، ئالىملار قاتارلىقلاردىن بولۇپ 100دىن ئارتۇق كىشى باشلىنىش مۇراسىمىغا قاتناشتى.
