ئانار بۇلۇت\شىنجاڭ گېزىتى خەۋىرى (مۇخبىر ما يىنىڭ خەۋەر قىلىدۇ) ساياھەتچىلىك تەرەققىياتىنىڭ يۆنىلىش بەلگىسى بولۇش سۈپىتى بىلەن، شىنجاڭنىڭ خەلق ئاۋىياتسىيە كەسپى تېز ئەسلىگە كېلىپ، سىجىل جانلاندى، ساياھەتچىلىك سۈپىتىنىڭ ئۈزلۈكسىز ئۆسۈپ، ئۈنۈمنىڭ ئېشىشىغا تۈرتكە بولدى. 6-ئاينىڭ 14-كۈنىگە قەدەر، جۇڭگو جەنۇب ئاۋىياتسىيە گۇرۇھى چەكلىك شىركىتى 2023-يىلى شىنجاڭدا كۈنىگە ئوتتۇرا ھېساب بىلەن 36 مىڭ ئادەم قېتىم يولۇچى توشۇدى، بۇ 2019-يىلىنىڭ ئوخشاش مەزگىلدىكىدىن %23 كۆپەيدى، يولۇچىلار ئېقىمى كۆرۈنەرلىك ئاشتى.
«جەنۇب ئاۋىياتسىيەسىنىڭ شىنجاڭدا ئاۋىياتسىيە قاتناش نۇقتىسى 75كە، ئۇچۇش ئاۋىياتسىيە لىنىيەسى 102گە يەتتى.» جەنۇب ئاۋىياتسىيەسى شىنجاڭ شۆبە شىركىتىنىڭ باش دىرېكتورى دىڭ ئەننىڭ تونۇشتۇرۇشىچە، جەنۇب ئاۋىياتسىيەسىنىڭ ئۈرۈمچىدىن پۈتۈن شىنجاڭغا قاتنايدىغان ئاۋىياتسىيە قاتناش نۇقتىسى 22گە يېتىپ، غۇلجا، قەشقەر، خوتەن، ئالتاي قاتارلىق كۆپ قىسىم ساياھەت بايلىقى مول شەھەرلەرگە چېتىلغان، 6-ئايدا شىنجاڭ ئىچىدىكى توشۇش كۈچى سېلىنمىسى 2019-يىلىنىڭ ئوخشاش مەزگىلىدىكى سەۋىيەسىدىن ئېشىپ كەتكەن.
بۇ يىلقى يازلىق تەتىللىك توشۇش مەزگىلىدە، جەنۇب ئاۋىياتسىيە شىركىتى قەشقەر بازىرىغا بوئىن 787 تىپلىق كەڭ گەۋدىلىك توشۇش كۈچىدىن بەشنى سېلىشنى پىلانلىدى، ۋاقتى كەلگەندە، ئۈرۈمچى بىلەن قەشقەر ئارىسىدا بېرىپ-كېلىپ قاتنايدىغان ئاۋىياتسىيە لىنىيەسىدە كۈنىگە ئوتتۇرا ھېساب بىلەن تەمىنلىنىدىغان ئورۇن 3600دىن ئاشىدۇ، بۇلتۇرقى ئوخشاش مەزگىلدىكىدىن %32 پىرسەنت ئاشىدۇ.جەنۇب ئاۋىياتسىيە شىركىتى تەمىنلىگەن
ئالىي مەكتەپ ئىمتىھانىنىڭ ئاخىرلىشىشىغا ئەگىشىپ، يازلىق تەتىللىك توشۇش بازىرى تەدرىجى جانلاندى، جەنۇب ئاۋىياتسىيەسى قىزىق ساياھەت لىنىيەسى سېلىنمىسىنى داۋاملىق زورايتتى، 6-ئاينىڭ 20-كۈنىدىن باشلاپ، ئۈرۈمچى-قاناس نۆۋەتچى ئايروپىلانىنىڭ ھەر كۈنى بىر نۆۋەت قاتنىشى پىلانلىدى؛ جەنۇبىي شىنجاڭنىڭ تەرەققىياتىنى قوللاش ئۈچۈن، ئۈرۈمچىدىن كورلا، خوتەنگە بېرىپ-كېلىپ قاتنايدىغان نۆۋەتچى ئايروپىلانلارنى كۆپەيتىپ، ھەر كۈنى 8 نۆۋەتتىن 14 نۆۋەتگىچە قاتنايدىغان بولدى؛ قىزىق ساياھەت مەنزىلىگە قارىتا، قەشقەر بازىرىغا بوئىن 787 تىپلىق كەڭ گەۋدىلىك توشۇش كۈچىدىن بەشنى سېلىشنى پىلانلىدى، ۋاقتى كەلگەندە، ئۈرۈمچىدىن قەشقەرگە بېرىپ-كېلىپ قاتنايدىغان ئاۋىياتسىيە لىنىيەسىدە كۈنىگە ئوتتۇرا ھېساب بىلەن تەمىنلىنىدىغان ئورۇن 3600دىن ئاشىدۇ، بۇلتۇرقى ئوخشاش مەزگىلدىكىدىن %32 پىرسەنت ئاشىدۇ.
شۇنىڭ بىلەن بىللە، جەنۇب ئاۋىياتسىيە شىركىتى نۇرغۇن قىزىق ساياھەت ئاۋىياتسىيە لىنىيەلىرىنى كۆپەيتىپ، يولۇچىلارنىڭ ئېھتىياجىنى قاندۇردى. 6-ئاينىڭ 16-كۈنىدىن باشلاپ گۇاڭجوۋدىن ئالتايغا بىۋاسىتە ئۇچىدىغان ئاۋىياتسىيە لىنىيەسى ئەسلىگە كەلتۈرۈلىدۇ، 7-ئاينىڭ 2-كۈنىدىن باشلاپ بېيجىڭ داشىڭدىن كورلىغا بېرىپ-كېلىپ قاتنايدىغان نۆۋەتچى ئايروپىلان يېڭىدىن كۆپەيتىلىدۇ.
دىڭ ئەننىڭ مۇنداق بىلدۈردى: شىنجاڭ ئىچىدىكى كۆلىمى ئەڭ چوڭ ئاساسىي بازا ئاۋىياتسىيە شىركىتى بولۇش سۈپىتى بىلەن، جەنۇب ئاۋىياتسىيە شىركىتى ساياھەت بازىرىنىڭ ئېھتىياجىغا ئاساسەن، ئاۋىياتسىيە لىنىيە تورىنىڭ ئورۇنلاشتۇرۇلۇشىنى ھەر ۋاقىت ئەلالاشتۇرۇپ، نۆۋەتچى ئايروپىلان قېتىم سانىنى ھەرىكەت ھالىتىدە تەڭشەپ، ئوتتۇرا يولدا ئالمىشىش پۇرسىتىنى كۆپەيتىپ، «شىنجاڭ ياخشى جاي» ساياھەت ماركىسىنى ئۈزلۈكسىز جۇلالاندۇرىدۇ.
