4-ئاينىڭ 10-كۈنى، پەيزاۋات ناھىيەسى قوشئاۋات بازىرى قاراسار كەنتىدىكى شىنمېي ئۆستۈرۈش ئۈلگە كۆرسىتىش باغچىسىدا، يېڭى ئېچىلغان، نەپىس شىنمېي چېچەكلىرى شۇ جاي ۋە ئەتراپتىكى ناھىيە، شەھەرلەردىن كەلگەن ساياھەتچىلەرنى چېچەك سەيلىسى قىلىشقا، سۈرەتكە چۈشۈپ خاتىرە قالدۇرۇشقا جەلپ قىلدى، شۇنىڭ بىلەن بىللە، كىشىلەر چېچەكنى ۋاسىتە قىلىش ئارقىلىق مۇھەببەت، قېرىنداشلىق مېھرىگە بولغان گۈزەل ئۈمىدىنى ئىپادىلەپ، مۇھەببەتنىڭ ئاددىي ھەم سەمىمىي، پاك ۋە ئۇزۇن بولۇشىنى ئارزۇ قىلدى.

ئىگىلىنىشىچە، پەيزاۋات ناھىيەسى 450 مىڭ مو يەردە شىنمېي يېتىشتۈرگەن، بۇنىڭ 360 مىڭ مو يەردىكىسى مېۋە بەرگەن بولۇپ، كۆلىمى پۈتۈن مەملىكەتتىكى شىنمېينىڭ %40ىنى، مېۋە ھوسۇلى %60ىنى ئىگىلەيدىكەن. گۇاڭدۇڭ-پەيزىۋات شىنمېي كەسپلەر باغچىسىغا تايىنىپ، دۆلەت دەرىجىلىك زامانىۋى يېزا ئىگىلىك كەسپلەر باغچىسىغا مۇۋەپپەقىيەتلىك ئىلتىماس قىلىنغان.