ئانار بۇلۇت\شىنجاڭ گېزىتى خەۋىرى (مۇخبىر جاۋ يۆ خەۋەر قىلىدۇ) باھار كېلىپ گۈللەر ئېچىلدى، پۈتۈن شىنجاڭنىڭ ساياھەتچىلىكىمۇ جانلاندى. 4-ئاينىڭ 18-كۈنى، مۇخبىرنىڭ ئۈرۈمچى يۇقىرى، يېڭى تېخنىكىلىق كەسىپلەر تەرەققىيات رايونى (يېڭىشەھەر رايونى) مەدەنىيەت-تەنتەربىيە ۋە ساياھەت ئىدارىسىدىن ئىگىلىشىچە، ساياھەتچىلىكنىڭ ئاۋات پەسلىنى كۈتۈۋېلىش ئۈچۈن، بۇ رايون «ھەپتە ئاخىرى ئارقىلىق تۈرتكە بولۇش، بايرام ئارقىلىق يېتەكلەش، رايونلار ھەمتۈرتكە بولۇش» ئۇسۇلىنى قوللىنىپ، باش تېمىلىق ئالتە ئېسىل ساياھەت لىنىيەسىنى ئوتتۇرىغا چىقارغان، شۇنىڭ بىلەن بىللە، رەڭگارەڭ مەدەنىيەت-ساياھەت پائالىيەتلىرى ئارقىلىق ساياھەتچىلەرنىڭ ھېس قىلىشى بېيىتىلىدىكەن.
4-ئاينىڭ 16-كۈنى، ئۈرۈمچى يۇقىرى، يېڭى تېخنىكىلىق كەسىپلەر تەرەققىيات رايونى (يېڭى شەھەر رايونى) مەدەنىيەت-ساياھەت ئىدارىسى سەيۋەي سۈيشياڭ ئارامگاھىدا 2-نۆۋەتلىك باھار سەيلىسى، چېچەك سەيلىسى بايرىمى ئۆتكۈزدى. سۈرەتتە: خەنفۇ كىيىپ شاپتۇل چېچىكى تاماشا قىلىۋاتقان ئوقۇغۇچىلار. ئانار بۇلۇت\شىنجاڭ گېزىتى مۇخبىرى جاۋ يۆ فوتوسى
يۇقىرى، يېڭى تېخنىكىلىق كەسىپلەر تەرەققىيات رايونى (يېڭى شەھەر رايونى)نىڭ ئالتە باش تېمىلىق ئېسىل ساياھەت لىنىيەسى: شەھەر رايونى مەدەنىيىتى باش تېما قىلىنغان ساياھەت «ئات كۆرۈش-چېچەك سەيلىسى قىلىش · يۇقىرى، يېڭى تېخنىكىلىق كەسىپلەر تەرەققىيات رايونىدا داكا قىلىش»، يېزا-كەنت ئىستىراھەت ساياھىتىنى ھېس قىلىش ساياھىتى «سەھرا مەنزىرىسى · يۇقىرى، يېڭى تېخنىكىلىق كەسىپلەر تەرەققىيات رايونىدىن ھۇزۇرلىنىش»، ۋەتەنپەرۋەرلىك باش تېمىسىدىكى تەتقىقات-ئۆگىنىش ساياھىتى «بىڭتۇەن بىلەن يەرلىكنىڭ يۇغۇرۇلۇشى · يۇقىرى، يېڭى تېخنىكىلىق كەسىپلەر تەرەققىيات رايونىنى خاتىرىلەش»، كېچىلىك يېمەك-ئىچمەك ساياھىتى «رەڭگارەڭ چىراقلار چاقناش · يۇقىرى، يېڭى تېخنىكىلىق كەسىپلەر تەرەققىيات رايونىدا سەيلە قىلىش»، سانائەت ئېكسكۇرسىيە سەپىرى «پەن-تېخنىكىدا يېڭىلىق يارىتىش · ئەقلىي ئىقتىدارلىق يۇقىرى، يېڭى تېخنىكىلىق كەسىپلەر تەرەققىيات رايونى بەرپا قىلىش» ۋە مودا مال سېتىۋېلىش سەپىرى «سېتىۋېلىش، كۆڭۈل ئېچىش · يۇقىرى، يېڭى تېخنىكىلىق كەسىپلەر تەرەققىيات رايونىنى خۇشال سەيلە قىلىش».
4-ئاينىڭ 16-كۈنى، ئۈرۈمچى يۇقىرى، يېڭى تېخنىكىلىق كەسىپلەر تەرەققىيات رايونى (يېڭى شەھەر رايونى) مەدەنىيەت-ساياھەت ئىدارىسى سەيۋەي سۈيشياڭ ئارامگاھىدا 2-نۆۋەتلىك باھار سەيلىسى، چېچەك سەيلىسى بايرىمى ئۆتكۈزدى. سۈرەتتە: خەنفۇ كىيىپ گۇجېڭ چېلىۋاتقان ئوقۇغۇچى. ئانار بۇلۇت\شىنجاڭ گېزىتى مۇخبىرى جاۋ يۆ فوتوسى
يۇقىرى، يېڭى تېخنىكىلىق كەسىپلەر تەرەققىيات رايونى (يېڭى شەھەر رايونى) يەنە ئەلا سۈپەتلىك مەدەنىيەت-ساياھەت بايلىقىنى بىرىكتۈرۈپ، «يۇقىرى، يېڭى تېخنىكىلىق كەسىپلەر تەرەققىيات رايونىنى تاماشا قىلىش · شىنجاڭنى رەسىم بىلەن مەدھىيەلەش»نى داڭلىق ماركا قىلىپ، «1ـ ماي»لىق قىسقا دەم ئېلىش مەزگىلى، يازلىق تەتىل، جۇڭچيۇ بايرىمى، مول ھوسۇل بايرىمى، دۆلەت بايرىمى قاتارلىق بايرام مەزگىللىرىدە، كۆپ خىل مەدەنىيەت-ساياھەت پائالىيەتلىرىنى داۋاملىق يولغا قويىدۇ.
4- ئاينىڭ 16-كۈنى، ئۈرۈمچى يۇقىرى، يېڭى تېخنىكىلىق كەسىپلەر تەرەققىيات رايونى (يېڭى شەھەر رايونى) مەدەنىيەت-ساياھەت ئىدارىسى سەيۋەي سۈيشياڭ ئارامگاھىدا 2-نۆۋەتلىك باھار سەيلىسى،چېچەك سەيلىسى بايرىمى ئۆتكۈزدى. سۈرەتتە خەنفۇ كىيگەن ئوقۇغۇچىلار. ئانار بۇلۇت/شىنجاڭ گېزىتى مۇخبىرى جاۋ يۆ فوتوسى
يۇقىرى، يېڭى تېخنىكىلىق كەسىپلەر تەرەققىيات رايونى (يېڭى شەھەر رايونى) مەدەنىيەت-تەنتەربىيە ۋە ساياھەت ئىدارىسى پارتىيە گۇرۇپپىسىنىڭ مۇئاۋىن شۇجىسى، ئىدارە باشلىقى ۋاڭ چۈن مۇنداق دېدى: رايونىمىز ساياھەت لىنىيەسىنى تونۇشتۇرۇۋاتىدۇ، تېخىمۇ كۆپ ساياھەتچىنىڭ يۇقىرى، يېڭى تېخنىكىلىق كەسىپلەر تەرەققىيات رايونى (يېڭى شەھەر رايونى)غا كىلىپ، يۇقىرى، يېڭى تېخنىكىلىق كەسىپلەر تەرەققىيات رايونىدىن زوق ئېلىشىنى، يۇقىرى، يېڭى تېخنىكىلىق كەسىپلەر تەرەققىيات رايونىنىڭ ئېسىل تائاملىرىنى تېتىپ بېقىشىنى، يۇقىرى يېڭى مەدەنىيەتلەرنى ھېس قىلىشىنى ئۈمىد قىلىمەن.
«بىز مەدەنىيەت ساياھەت كارخانىلىرى بىلەن ھەمتۈرتكە بولۇشنى چوڭقۇرلاشتۇرۇپ، كارخانىلارنى ساياھەت مەھسۇلاتلىرىنى تەتقىق قىلىپ ئېچىپ، مەدەنىيەت ئىجادىيەت مەھسۇلاتلىرىدا يېڭىلىق يارىتىپ، مۇلازىمەت سەۋىيەسى ئۆستۈرۈپ، تېخىمۇ كۆپ خاسلىققا ئىگە، ئالاھىدىلىككە ئىگە، رىقابەت كۈچىگە ئىگە ساياھەت مەھسۇلاتلىرىنى يارىتىشقا رىغبەتلەندۈرىمىز. شۇنىڭ بىلەن بىللە يەنە ساياھەت مۇلازىمەت سۈپىتى، ساياھەت مۇلازىمەت ئەسلىھەلىرى، ساياھەت مۇھىتىنى ئەلالاشتۇرۇش قاتارلىق جەھەتلەردىكى نازارەتچىلىكنى ياخشى قىلىپ، ساياھەتنىڭ ئاۋات پەسلىدە ساياھەتچىلەرنى كۈتۈۋېلىش مۇلازىمىتىگە پۈتۈن كۈچ بىلەن كاپالەتلىك قىلىمىز» دېدى ۋاڭ چۈن.
