3 - ئاينىڭ 4 - كۈنى، ساياھەتچىلەر خوتەن كەچلىك بازىرىدا ئەدەبىيات - سەنئەت نومۇرلىرىنى كۆرمەكتە. بۈگۈنكى كۈندە، خوتەن شەھىرىنىڭ مەدەنىيەت - ساياھەت يېڭى نام كارتىسى بولۇش سۈپىتى بىلەن، خوتەن كەچلىك بازىرى ساياھەتچىلەرنىڭ چوڭقۇر ياقتۇرۇشىغا ئېرىشىپلا قالماي، تېخىمۇ مۇھىمى شۇ جايدىكى ئاممىنىڭ ئىشقا ئورۇنلىشىشى، ئىگىلىك تىكلىشىنى ئىلگىرى سۈرىدىغان چوڭ سەھنىگە ئايلاندى. شۈ شياۋلۇڭ فوتوسى
ئانار بۇلۇت\شىنجاڭ گېزىتى مۇخبىرى جاۋ چۇنخۇا
سەھەردە، بۇرۇلتوقاي ناھىيەسىنىڭ چىغان جىگدە يېزىسى چىغان جىگدە كەنتىنىڭ يەسلىسىدە بەش ياشلىق ئېرېنتاي چالقاربېك قولىنى پۇلاڭلىتىپ دادىسى بىلەن خوشلاشتى. «يەسلىگە ئوقۇش پۇلى تاپشۇرمايمىز، بالىلار يەنە نۇرغۇن ياخشى ئادەتلەرنى يېتىلدۈردى» دېدى دادىسى چالقاربېك رەخمىتۇللا.
چۈشتە، گۇما ناھىيەسىنىڭ مۇكۇيلا يېزىسى قاقشال كەنتىدىكى 54 ياشلىق كەنت ئاھالىسى گۈلسۈم ئىسمايىل ئىشىكى ئالدىدا ئومۇمىي خەلق سالامەتلىكىنى تەكشۈرۈش تەشۋىقاتچىسىنى ئۇچراتتى، «بۇلتۇر، ئومۇمىي خەلق سالامەتلىكىنى تەكشۈرتۈشتە سالامەتلىكىمدە مەسىلە بارلىقىنى بىلدىم، بۇنىڭدىن كېيىن ھەر يىلى ئومۇمىي خەلق سالامەتلىكىنى تەكشۈرتۈشكە قاتنىشىمەن».
كەچقۇرۇن، بېيجىڭ، مەملىكەتلىك خەلق قۇرۇلتىيى ۋەكىلى، ئۇلۇغچات ناھىيەسى ئوقسالۇر يېزىسى ئۇقسالۇر كەنتى پارتىيە ياچېيكىسىنىڭ مۇئاۋىن شۇجىسى، كەنت ئاھالە كومىتېتىنىڭ مۇدىرى قانىمبۈ ئايسا يەنىلا جوزا ئالدىدا ئولتۇراتتى، ئۇ كەنتكە قايتقاندىن كېيىن قانات يايدۇرۇلىدىغان مەملىكەتلىك ئىككى يىغىن روھىدىن لېكسىيە سۆزلەشكە تەييارلىق قىلىۋاتاتتى. «مەملىكەتلىك خەلق قۇرۇلتىيى ۋەكىلى بولۇش سۈپىتىم بىلەن، پارتىيە مەركىزىي كومىتېتىنىڭ ھەر مىللەت ئاممىغا بولغان كۆڭۈل بۆلۈشىنى، غەمخورلۇقىنى، پارتىيەنىڭ سىياسەتلىرىنى چوقۇم ياخشى تەشۋىق قىلىمەن!»
…
بۇ، تىيانشاننىڭ جەنۇبى - شىمالىدىكى ئاددىي پۇقرالارنىڭ بىر كۈنى، بۇ، پارتىيە مەركىزىي كومىتېتىنىڭ سەمىمىي غەمخورلۇقىدا، جۇڭگوچە زامانىۋىلاشتۇرۇش يېڭى مۇساپىسىدە، خەلقنى مەركەز قىلىشتا پۇختا چىڭ تۇرۇشنىڭ شىنجاڭ ئەمەلىيىتىدىن ئۇرغۇپ چىققان كۈچلۈك ئىللىق ئېقىم.
باش شۇجى شى جىنپىڭ 14 - نۆۋەتلىك مەملىكەتلىك خەلق قۇرۇلتىيى 1 - يىغىنى جياڭسۇ ۋەكىللەر ئۆمىكىنىڭ قاراپ چىقىشىغا قاتناشقاندا مۇنداق تەكىتلىدى: خەلقنىڭ بەخت - سائادىتى، تىنچ - ئامانلىقى يۇقىرى سۈپەتلىك تەرەققىياتقا تۈرتكە بولۇشنىڭ ئاخىرقى مەقسىتى.
شىنجاڭ يېڭى دەۋردىكى پارتىيەنىڭ شىنجاڭنى ئىدارە قىلىش تەدبىرىنى تولۇق، دەل جايىدا ئىزچىللاشتۇرۇپ، ئىقتىسادىي تەرەققىيات ۋە خەلق تۇرمۇشىنى ياخشىلاشنى شىنجاڭنى مۇقىم قىلىش، شىنجاڭنى ئەمىن تاپقۇزۇش ئىستراتېگىيە يۈكسەكلىكىگە كۆتۈرۈپ، خەلققە پايدىلىقلا ئىش بولسا، ھەرقانچە كىچىك بولسىمۇ جەزمەن بېجىردى.
خەلق تۇرمۇشىنى ياخشىلاشنى باشتىن - ئاخىر قەلبكە پۈكۈپ چىڭ تۇتۇش
چەت، يىراق چارۋىچىلىق رايونىدىكى بىر كىچىك كەنتتە، 13 بالا ئۈچۈن ئەسلىھەلىرى تولۇق بىر يەسلى يېڭىدىن قۇرۇلدى. قانىمبۈ ئايسا «خەلق ئۈچۈن» دەپ جاۋاب بەردى.
«بالىلار ئۆيىدىن چىقىپلا يەسلىگە كىرىدۇ، ناھىيە بازىرىغا كۆچۈپ كەتكەنلەرنىڭ ھەممىسى ھازىر قايتىپ كەلدى» دېدى قانىمبۈ ئايسا.
باش شۇجى شى جىنپىڭ ھەر ۋاقىت خەلقنى قەلبىگە پۈكۈپ كەلدى. ئۇ مۇنداق كۆرسەتتى: ھەر مىللەت ئاممىنىڭ خاتىرجەم ياشاپ خۇشال - خۇرام ئىشلىشىنى زىچ چۆرىدەپ، ئىشلەپچىقىرىش، تۇرمۇش شارائىتىنى ياخشىلايدىغان تۈرلەرنى كۆپرەك يولغا قويۇپ، خەلق تۇرمۇشىغا نەپ يەتكۈزىدىغان ئەمەلىي ئىشلارنى كۆپرەك بېجىرىپ، ھەر مىللەت ئامما كۆڭۈل بۆلىدىغان مەسىلىلەرنى كۆپرەك ھەل قىلىش كېرەك.
ئاپتونوم رايونلۇق پارتىيە كومىتېتى ئاساسىي قاتلام ئىدارە قىلىش ۋە خەلق تۇرمۇشىغا كاپالەتلىك قىلىشنى خەلق ئاممىسىنىڭ جانىجان مەنپەئىتىگە مۇناسىۋەتلىك بولغان، ئورتاق بېيىشنى ئىلگىرى سۈرىدىغان، يۇقىرى سۈپەتلىك تۇرمۇش بەرپا قىلىدىغان ئۇل قۇرۇلۇش قىلىشتا چىڭ تۇرۇپ، مالىيە چىقىمىنىڭ %70تىن كۆپرەكىنى خەلق تۇرمۇشىنى كاپالەتلەندۈرۈش ۋە ياخشىلاشقا ئىشلىتىشتە چىڭ تۇردى. بولۇپمۇ ئۆتكەن بىر يىلدا، خەۋپ - خەتەر ۋە خىرىسقا پائال تاقابىل تۇرۇپ، خەلق تۇرمۇشىنى ياخشىلاشنى باشتىن - ئاخىر قەلبكە پۈكۈپ، ھەر ۋاقىت چىڭ تۇتتى.
− شەھەر - بازارلاردا 461 مىڭ 500 كىشى يېڭىدىن ئىشقا ئورۇنلىشىش، يېزىلاردىكى ئەمگەك كۈچلىرىدىن 3 مىليون 32 مىڭ 400 ئادەم قېتىم سىرتقا چىقىپ ئىشلەش ئىشقا ئاشۇرۇلدى، تۈرلۈك كەسپىي ماھارەت بويىچە تەربىيەلەش 2 مىليون 168 مىڭ ئادەم قېتىم قانات يايدۇرۇلدى.
− قىيىنچىلىقى بار ئاممىغا 8 مىليارد 627 مىليون يۈەن قۇتقۇزۇش - ياردەم بېرىش ياردەم مەبلىغى چۈشۈرۈلۈپ، جايلارنىڭ شەھەر - يېزىلاردىكى قىيىنچىلىقى بار ئاممىنىڭ ئاساسىي تۇرمۇش كاپالىتى قاتارلىق خىزمەتلەرنى بىرتۇتاش پىلانلاپ ياخشى ئىشلىشىگە مەدەت بېرىلدى، شەھەر - يېزىلاردىكى تۆۋەن كاپالەت ئۆلچىمى ئايرىم - ئايرىم ھالدا %10ۋە %15ئۆستۈرۈلدى...
قانىمبۈ ئايسانىڭ قېلىن خىزمەت خاتىرىسىدىكى سان - سېپىرلاردىن بەختلىك تۇرمۇش مەنزىرىسىنى ھېس قىلغىلى بولىدۇ. ئۇ مۇنداق دېدى: بىز تېخىمۇ ئەلا مۇلازىمەت ۋە تېخىمۇ ئىنچىكە باشقۇرۇشنى چۆرىدەپ چارە تېپىپ، ئەمەلىي تەدبىر قوللىنىپ، ئامما بىلەن كۆڭۈلدىكى گەپنى قىلىشالايدىغان بىر ئائىلە كىشىلىرىدىن بولىمىز.
ھۆكۈمەت خىزمىتىدىن دوكلاتتا جەمئىيەت سىياسىتى خەلق تۇرمۇشى تۆۋەن چېكىنى تولۇق كاپالەتلەندۈرۈشى كېرەك، دەپ كۆرسىتىلدى. ئاپتونوم رايوننىڭ 2023 - يىللىق خەلق تۇرمۇشىغا دائىر ئون ئەمەلىي ئىشى توغرىسىدىكى ماتېرىيالنى مەملىكەتلىك خەلق قۇرۇلتىيى ۋەكىلى ئەنۋەر تۇرسۇن بەلگە بىلەن توشقۇزۇۋەتكەنىدى. «تۇرالغۇ ئۆي، مائارىپ، ياشانغانلار كۈتۈنۈش قاتارلىق تۈرلۈك ئىشلار ئاممىنىڭ ھال - ئەھۋالىغا مۇناسىۋەتلىك، ئاپتونوم رايون تۈرمۇتۈر تەتقىق قىلىپ خىزمەت لايىھەسى تۈزدى، ۋەزىپىلەرنى ئىنچىكە تەقسىملىدى، ئىز قوغلاپ ئورۇنلاشتۇرۇشنى يەنىمۇ كۈچەيتتى، بىزمۇ مىخ قېقىش روھى بىلەن، خەلق تۇرمۇشىنى ياخشىلاشتىكى تۈرلۈك ۋەزىپىلەرنىڭ پۇختا ئۈنۈمىنى قولغا كەلتۈرۈشكە ھەقىقىي كاپالەتلىك قىلىشىمىز كېرەك» دېدى ئۇ.
ئاپتونوم رايونلۇق پارتىيە كومىتېتى پارتىيە مەكتىپى تەدبىر بەلگىلەش، مەسلىھەت بېرىش بۆلۈمىنىڭ مۇئاۋىن مۇدىرى مۇختەر سادىق مۇنداق دېدى: ئامما خەلق تۇرمۇشىنى ياخشىلاشتىن ئەڭ بىۋاسىتە مەنپەئەتلەنگۈچى، شۇنداقلا بۇ ئىمتىھان قەغىزىگە نومۇر قويغۇچى، پۇختا ئىشلىگەندىلا، ئاندىن يۇقىرى نومۇر ئالغىلى بولىدۇ.
تېخىمۇ كۆپ ئېھتىياج تىزىملىكىنىڭ تېخىمۇ يۇقىرى سۈپەتلىك تۇرمۇشقا ئايلىنىشىغا تۈرتكە بولۇش
باش باھار كۈنى، تېز يەتكۈزگۈچى جاڭ لىپىڭ شىنجاڭدا ماكانلىشىش قارارىنى چىقاردى، «ئاپا، مەن ئۈرۈمچىدە ئىشتا يارىلىنىش سۇغۇرتىسىغا قاتناشتىم، كارخانا، كەسپىي ئورۇنلاردىكى ئىشچى - خىزمەتچىلەر بىلەن ئوخشاش تەمىناتتىن بەھرىمەن بولدۇم، خاتىرجەم بولۇڭلار!» تېلېفوننىڭ ئۇ تەرىپىدە، ئۇنىڭ يىراق خېنەندىكى ئانىسىنىڭ تەشۋىشلەنگەن كۆڭلى خاتىرجەم بولدى.
يېڭى كەسىپ ھالىتى ئىقتىسادى تېز قەد كۆتۈردى، يېڭى ئىشقا ئورۇنلىشىش ھالىتىدىكى ئەمگەكچىلەر تېخىمۇ كۆپ يېڭى ئۈمىدكە تولدى. «بىز پۈتۈن شىنجاڭدا ئالدىن يولغا قويۇپ، ئالدىن سىناق قىلىپ، ئاساسىي قاتلام تېز يەتكۈزۈش تور نۇقتىلىرىدا ئىشتا يارىلىنىش سۇغۇرتىسىغا ئالدىن قاتنىشىش خىزمىتىنى تېز باشلىدۇق، 2021 - يىلىدىن ھازىرغىچە، 9509 نەپەر ۋەيمەي توشۇغۇچى، تېز يەتكۈزگۈچى تېخىمۇ ياخشى كاپالەتكە ئىگە بولدى» دېدى ئۈرۈمچى شەھەرلىك ئىجتىمائىي كاپالەت مەركىزى پارتىيە كومىتېتىنىڭ شۇجىسى جۇ فېڭ.
باش شۇجى شى جىنپىڭ مۇنداق تەكىتلىدى: خەلق تۇرمۇشىنى كاپالەتلەندۈرۈش ۋە ياخشىلاشنىڭ ئاخىرقى نۇقتىسى يوق، پەقەت ئۈزلۈكسىز داۋاملىشىدىغان يېڭى باشلىنىش نۇقتىسىلا بار.
مەجبۇرىيەت مائارىپى ئاساسىي جەھەتتىن تەكشى بولۇشتىن ئەلا سۈپەتلىك، تەكشى بولۇشقا قەدەم قويدى، جەنۇبىي شىنجاڭدىكى 1 مىليون 100 مىڭ دېھقان ئائىلىسى پاكىز ئىسسىنىشنى ئىشقا ئاشۇردى... ئاپتونوم رايونلۇق پارتىيە كومىتېتى ھەقىقەتنى ئەمەلىيەتتىن ئىزدەش، ھەممىدە ئەمەلىيەتنى چىقىش قىلىشتا چىڭ تۇرۇپ، ھەم مادارىغا قاراپ ئىش كۆرۈپ، ھەم قۇربىنىڭ يېتىشىچە ئىشلەپ، يۇقىرى سۈپەتلىك تەرەققىيات داۋامىدا خەلق ئاممىسىغا ئۈزلۈكسىز يۇقىرى سۈپەتلىك تۇرمۇش يارىتىپ بەردى.
15 مىنۇتتا نېمە قىلغىلى بولىدۇ؟ كۈندىلىك تۇرمۇشقا كېرەكلىك نەرسىلەرنى سېتىۋالغىلى بولۇپلا قالماي، ياشانغانلارنىڭ سالامەتلىكىنى ئەسلىگە كەلتۈرۈش - پەرۋىش قىلىش، بالىلارنى ھاۋالىلىك بېقىش، ھەتتا سىيرىتمىنى رېمونت قىلىش، ئاچقۇچ ياساشنىڭ ھەممىسىنى مۇشۇ 15 مىنۇتلۇق تۇرمۇش چەمبىرىكى ئىچىدە تاماملىغىلى بولىدۇ. ئۈرۈمچى شەھىرى شىمىگۇ رايونى جەنۇبىي نەنخۇ يولى كوچا باشقارمىسى ئەنجۈ مەھەللىسىدە، 4000دىن ئارتۇق ئاھالىنىڭ ئېھتىياج تىزىملىكى رازى بولۇش تىزىملىكىگە ئايلانماقتا.
«بۇلتۇر، بىز ئۈرۈمچى شەھىرىدىكى 15 مىنۇتلۇق خەلققە قولايلىق تۇرمۇش چەمبىرىكىنى نۇقتىدا سىناق قىلىدىغان ئورۇن قاتارىغا كىردۇق، <ياشانغانلار ۋە بالىلار> <قولايلىق دۇكان ۋە ناشتىلىق دۇكان>نى چۆرىدەپ، ئەقلىي ئىقتىدارلاشتۇرۇش، قولايلاشتۇرۇش سەۋىيەسىنى ئۆستۈرۈپ، كۆپ مەنبەلىك ئىستېمال كەسىپ ھالىتىنى بېيىتىپ، ئاممىنىڭ ئوخشاش بولمىغان ئېھتىياجىنى ئۈزلۈكسىز قاندۇردۇق.» ئەنجۈ مەھەللىسىنىڭ مۇدىرى جاڭ بىن مۇنداق دېدى: بۇ يىل، بۇ مەھەللە يەنە يېڭى دەۋر مەدەنىيلىكى ئەمەلىيەت پونكىتىنى ۋاسىتە قىلىپ، ئاممىنى تېخىمۇ كۆپ، تېخىمۇ ئەلا سۈپەتلىك مەدەنىيەت تەمىناتى بىلەن تەمىنلەيدۇ.
مەملىكەتلىك خەلق قۇرۇلتىيى ۋەكىلى ۋۇ ۋېنشيۇ مۇنداق دېدى: يېڭى باشلىنىش نۇقتىسىدا، خەلقنىڭ گۈزەل تۇرمۇش ئىستىكىنى ئۈزلۈكسىز چوڭقۇرلاشتۇرۇش، كېڭەيتىشتە، جەزمەن كەڭ خەلق ئاممىسىنىڭ كۈنسېرى ئېشىۋاتقان كۆپ خىللاشقان ئېھتىياجىنى چۆرىدەپ، ئاساسىي قاتلام ئاممىۋى مۇلازىمىتىنىڭ كەڭلىكى ۋە چوڭقۇرلۇقىنى ئۈزلۈكسىز كېڭەيتىپ، مۇلازىمەت شەكلىدە يېڭىلىق يارىتىش قاتارلىق يوللار ئارقىلىق، ئاممىنى تېخىمۇ يۇقىرى سۈپەتلىك تۇرمۇشقا ئېرىشتۈرۈش كېرەك.
تېخىمۇ زور سالماق بىلەن، تەرەققىيات نەتىجىلىرى ئارقىلىق خەلق تۇرمۇشىغا نەپ يەتكۈزۈش، قەلبلەرنى مۇجەسسەملەشكە تۈرتكە بولۇش
جەنۇبىي شىنجاڭدا باھار بالدۇر كېلىدۇ، ئەمما باھاردىنمۇ بالدۇر كەلگىنى پەيزاۋات ناھىيەسى يېڭىمەھەللە يېزىسى لايلىق كەنتىنىڭ كەنت ئاھالىسى ئارزۇگۈل ياسىننىڭ كۆڭلىدىكى چوت بولدى.
«ئائىلىمىزدە بەش مو يەرگە شىنمېي تېرىدۇق، ھەر يىلى 65 مىڭ يۈەن كىرىم قىلىمىز. مەن كەنتتىكى يېزا ئىگىلىك مەھسۇلاتلىرىنى پىششىقلاش ھەمكارلىق كوپىراتىپىدا ئىشلەيمەن، ئايلىق مائاشىم 1800 يۈەن. بۇلتۇر ئاپتوموبىل ئالماشتۇردۇق، بۇ يىل مەن ياخشىراق بىر يۈرۈش ياڭراتقۇ سېتىۋېلىشنى ئويلاۋاتىمەن، ناخشا - ئۇسسۇل مەشىق قىلىشقا قولايلىق بولىدۇ!» ئارزۇگۈل ياسىن ئائىلىسىدىكى شىنمېيلارنىڭ ئۆسۈش ئەھۋالىنى تەكشۈرۈپ بولغاندىن كېيىن، غىڭشىپ ناخشا ئېيتتى.
«تەرەققىياتنى تۇتۇش، خەلق تۇرمۇشىغا نەپ يەتكۈزۈش ئارقىلىق، ئاممىنى قىلىدىغان ئىشى بولۇش، پۇل تاپالايدىغان بولۇش، ئۈمىدۋار بولۇش ئىمكانىيىتىگە ئىگە قىلىپ، پارتىيەنىڭ ھەر مىللەت ئامما ئارىسىدىكى ئۇيۇشتۇرۇش كۈچىنى ئۈزلۈكسىز كۈچەيتىپ، ۋەتەننى سۆيىدىغان، شىنجاڭنى سۆيىدىغان ئاكتىپ كۈچنى ئۈزلۈكسىز ئاشۇرۇش كېرەك».
«شىنجاڭدا ئاددىيلا ھالدا تەرەققىياتنىلا سۆزلەشكە بولمايدۇ، بەلكى تەرەققىيات بىلەن مۇقىملىق، تەرەققىيات بىلەن خەلق تۇرمۇشى، تەرەققىيات بىلەن كىشىلەر قەلبىنىڭ زىچ باغلىنىشىنى چوڭقۇر تونۇش كېرەك».
باش شۇجى شى جىنپىڭنىڭ بىر قاتار مۇھىم سۆزى ۋە مۇھىم يوليورۇقى شىنجاڭنىڭ ئىقتىساد، جەمئىيەت تەرەققىياتى ۋە خەلق تۇرمۇشىنى ياخشىلاش خىزمىتىنى ياخشى ئىشلەشكە يۆنىلىشنى ئېنىق كۆرسىتىپ بەردى.
خەلق تۇرمۇشى تەرەققىياتنىڭ نىشانى، كىشىلەر قەلبى ئەڭ چوڭ سىياسىي. ئاپتونوم رايونلۇق پارتىيە كومىتېتى تەرەققىيات بىلەن مۇقىملىق، تەرەققىيات بىلەن خەلق تۇرمۇشى، تەرەققىيات بىلەن كىشىلەر قەلبىنىڭ زىچ باغلىنىشىنى چوڭقۇر تونۇپ، خەلق تۇرمۇشىغا زىچ يېقىنلىشىپ يۇقىرى سۈپەتلىك تەرەققىياتقا تۈرتكە بولۇشتا چىڭ تۇردى.
1000 كەنتنى يېشىللاشتۇرۇش ۋە گۈزەللەشتۈرۈش قانات يايدۇرۇلدى، يېزىلاردا 61 مىڭ پاكىز ھاجەتخانا يېڭىدىن ياسالدى... 2022 - يىلى، يېزا ئۇل ئەسلىھە قۇرۇلۇشىنى ئۈزلۈكسىز مۇكەممەللەشتۈرۈش، خەلق تۇرمۇشىنى ياخشىلاشنى سىجىل ئالغا سىلجىتىش ئاساسىدا، نامراتلىقتىن قۇتۇلغان تېخىمۇ كۆپ ئاھالىنى قىلىدىغان ئىشى بولۇش، پۇل تاپالايدىغان بولۇش، ئۈمىدۋار بولۇش ئىمكانىيىتىگە ئىگە قىلىش ئۈچۈن، شىنجاڭ ئاپتونوم رايون دەرىجىلىك زامانىۋى يېزا ئىگىلىك كەسىپ باغچىسى قۇرۇلۇشىنى ئومۇميۈزلۈك باشلىدى، نامراتلىقتىن قۇتۇلغان رايونلارنىڭ كەسىپ تەرەققىياتىدىكى كەمتۈكلۈكلەرنى تولۇقلىشىغا مەدەت بېرىپ، يېزا ئىگىلىكىنىڭ پۈتۈن كەسىپ زەنجىرىنى يېتىلدۈرۈش، تەرەققىي قىلدۇرۇشنى تېزلەتتى.
«كەنتىمىزنىڭ شىنمېي ئۆستۈرۈش كۆلىمى 3150 مودىن ئاشتى، مەھسۇلات قىممىتى 20 مىليون 800 مىڭ يۈەن بولدى، شىنمېي كەسپىدىن قىلىنغان كىرىم پۈتۈن كەنت كىشى بېشى ساپ كىرىمىنىڭ %60ىدىن كۆپرەكىنى ئىگىلەپ، 400دىن ئارتۇق كىشىنىڭ ئىشقا ئورۇنلىشىشىغا تۈرتكە بولدى. لايلىق كەنتى پارتىيە ياچېيكىسىنىڭ شۇجىسى ئابدۇشۈكۈر مەمەت مۇنداق دېدى: يۆجيا شىنمېي كەسىپلەر باغچىسىغا تايىنىپ، دېھقانلارنىڭ بەزىلىرى جىڭدۇڭ دېھقانچىلىق مەيدانىغا كىردى، بەزىلىرى شىنمېي ۋاستىچىلىك ۋاكالەتچىسى بولدى. كېيىنكى قەدەمدە، كەنت يەنە تۈرلۈك پۇرسەتلەردىن پايدىلىنىپ دېھقانلارنى شىنمېي ئۆستۈرۈش، بىۋاسىتە كۆرسىتىپ مال تونۇشتۇرۇپ سېتىش قاتارلىقلار بويىچە قاراتمىلىق تەربىيەلەپ، دېھقانلارنىڭ كەسىپ تەرەققىياتىدا تېخىمۇ كۆپ پايدىغا ئېرىشىشىگە ياردەم بېرىدۇ.
جاھاننىڭ ئەمىنلىكى خەلقنىڭ بېيىشىدىن كېلىدۇ، جاھاننىڭ تىنچلىقى خەلقنىڭ خۇشاللىقىدىن كېلىدۇ. يېزىلاردىن شەھەرلەرگىچە، ئېتىز باشلىرىدىن ئاپتوماتلاشقان سېخلارغىچە، كەسىپلەرنىڭ روناق تېپىشى ھەربىر شەخس، ھەربىر ئائىلىدە بەختلىك ئۆزگىرىش بولۇشقا تۈرتكە بولدى. مەملىكەتلىك خەلق قۇرۇلتىيى ۋەكىلى پاڭ زىجيەن مۇنداق دېدى: يېزا - كەنتلەرنى مەۋقەنى ئەمەلىيەتكە قويۇپ خاس كەسىپلەرنى تەرەققىي قىلدۇرۇشقا ئىلھاملاندۇرۇش بىلەن بىللە، ئىشقا ئورۇنلىشىش پۇرسىتى ۋە ئىشقا ئورۇنلىشىش ئىقتىدارى بويىچە ياردەم بېرىشنى پائال قانات يايدۇرۇپ، دېھقانلارنى بېيىش قاچىسىنى چىڭ تۇتۇش ئىمكانىيىتىگە ئىگە قىلىپ، بۇ خەلق تۇرمۇشى يېڭى مەنزىرىسىنى تېخىمۇ ئىللىق، تېخىمۇ گۈزەل، تېخىمۇ يارقىن قىلىش كېرەك.
جۇڭگوچە زامانىۋىلاشتۇرۇش 1 مىليارد 400 مىليوندىن ئارتۇق نوپۇس ئورتاق بېيىيدىغان زامانىۋىلاشتۇرۇش. مۇختەر سادىق مۇنداق دېدى: ئەمەلىيەت شۇنى ئىسپاتلىدىكى، خەلق تۇرمۇشىنى سىجىل كاپالەتلەندۈرۈش ۋە ياخشىلاش نامراتلىقتىن قۇتۇلدۇرۇش ئۆتكىلىگە ھۇجۇم قىلىش نەتىجىلىرىنى مۇستەھكەملەش، يېزا - كەنتلەرنى گۈللەندۈرۈشنى ئالغا سىلجىتىشتىكى بىرىنچى مۇھىم ۋەزىپە، ئورتاق بېيىشنى ئىشقا ئاشۇرۇشنىڭ مۇھىم يولى، شۇنداقلا جۇڭگوچە زامانىۋىلاشتۇرۇشنىڭ مۇقەررەر تەلىپى.
