2023-يىلى 12-ئاينىڭ 31-كۈنى، ئارتىسلار قەشقەر قەدىمىي شەھىرى شەھەر دەرۋازىسىنى ئېچىش مۇراسىمىدا نومۇر ئورۇنلىماقتا.
2023-يىلى 12-ئاينىڭ 31-كۈنى، كىچىك دوست قەشقەر قەدىمىي شەھىرى مەنزىرە رايونىدا چاقلىق كانكى تېيىلىپ ئوينىماقتا.
1-ئاينىڭ 3-كۈنى، قەشقەر قەدىمىي شەھىرى ئاھالىسى ئابدۇغېنى بىر ئائىلە كىشىلىرى چاي ئىچكەچ پاراڭلاشماقتا. ھازىر، ئابدۇغېنى ئولتۇرۇشلۇق ئۆيىنىڭ ئاستىغا بىر ئېغىز ئۇيغۇر تېبابەت دورىلىق چاي دۇكىنى ئاچقان بولۇپ، يىللىق كىرىمى 300 مىڭ يۈەندىن ئاشىدۇ.
قەشقەر قەدىمىي شەھىرىنىڭ پۈتۈن كۆرۈنۈشى (2023-يىلى 8-ئاينىڭ 23-كۈنى تىزگىنەكلىك ئۇچقۇدا تارتىلغان).
1-ئاينىڭ 2-كۈنى، ئارتىسلار قەشقەر قەدىمىي شەھىرى مەنزىرە رايونىدا خەلق ئۆرپ-ئادىتى ئويۇنى ئورۇنلىماقتا.
1-ئاينىڭ 2-كۈنى، ساياھەتچىلەر مىللىيچە كىيىملەرنى كىيىپ (ئالدى تەرەپ سولدا) قەشقەر قەدىمىي شەھىرى مەنزىرە رايونىدا خەلق ئۆرپ-ئادەتلىرىنى ھېس قىلماقتا.
2023-يىلى 12-ئاينىڭ 31-كۈنى، ساياھەتچىلەر قەشقەر قەدىمىي شەھىرى مەنزىرە رايونىدا ساياھەت خاتىرە بۇيۇملىرىنى تاللىماقتا.
2023-يىلى 12-ئاينىڭ 31-كۈنى، ساياھەتچىلەر قەشقەر قەدىمىي شەھىرى مەنزىرە رايونىدا قىزىلگۈل باچكا شورپىسىغا ئېغىز تەگمەكتە.
ئانار بۇلۇت\شىنجاڭ گېزىتى خەۋىرى (مۇخبىر سەي زېڭلې فوتوسى، خەۋىرى) قەشقەر قەدىمىي شەھىرىنىڭ سەھىرى شەھەرگە كىرىش مۇراسىمىدىن باشلاندى. 2024-يىلى 1-ئاينىڭ 1-كۈنى سائەت 10دىن 30 مىنۇت ئۆتكەندە، يېڭى يىلدىكى تاڭ شەپىقىگە پۈركەنگەن قەشقەر قەدىمىي شەھىرىدە شەھەرگە كىرىش مۇراسىمى باشلاندى، جاراڭلىق داقا-دۇمباق ئاۋازى ۋە شادىيانە مۇزىكىلار شەھەر ئىچىدە ياڭرىدى، ساياھەتچىلەرنى كۈتۈۋالغۇچىلارنىڭ ئاۋازى ياڭراق بولۇپ، قىزلار لەرزان ئۇسسۇلغا چۈشۈپ، ھەر تەرەپتىن كەلگەن ساياھەتچىلەرنى خۇشال كۈتۈۋالماقتا ئىدى.
قەشقەر قەدىمدە سۇلى دەپ ئاتالغان بولۇپ، قەدىمىي يىپەك يولىنىڭ جەنۇب-شىمال ئىككى يولىنىڭ كېسىشكەن جايىغا جايلاشقان. يېڭى دەۋردىكى قەشقەر يىپەك يولى ئىقتىساد بەلبېغى يادرولۇق رايونىنىڭ مۇھىم تىرەك نۇقتىسى شەھىرى، جۇڭگو-پاكىستان ئىقتىساد كارىدورىنىڭ باشلىنىش نۇقتىسى. قەشقەرنىڭ جەنۇبىدا كوئېنلۇن تېغى بار، شىمالى تىيانشان تېغىغا يېقىن بولۇپ، «بەش پورت ئارقىلىق سەككىز دۆلەتكە تۇتىشىدىغان، بىر يول ئارقىلىق ياۋروپا-ئاسىيانى تۇتاشتۇرىدىغان» رايون ئورنى ئەۋزەللىكىگە ئىگە. مىڭ يىللاردىن بۇيان يىپەك يولى قەشقەر سەۋەبلىك تېخىمۇ قولايلىقلاشتى، قەشقەر يىپەك يولى سەۋەبلىك بارغانسېرى ئاۋاتلاشتى.
2009-يىلى، قەشقەر قەدىمىي شەھەر رايونىدىكى خەتەرلىك، كونا ئۆيلەرنى ئۆزگەرتىش بويىچە ئۇنىۋېرسال تۈزەش قۇرۇلۇشى ئومۇميۈزلۈك باشلاندى، دۆلەت 7 مىليارد يۈەندىن ئارتۇق مەبلەغ سېلىپ، «كونا قىياپىتى بويىچە رېمونت قىلىش، ئەسلىدىكى ئورنىغا قايتا سېلىش» «بىر ئائىلىگە بىر لايىھە بولۇش» پىرىنسىپى بويىچە قەشقەر قەدىمىي شەھىرىنى ئۆزگەرتىپ، ھەم قەدىمىي شەھەرنىڭ ئومۇمىي قىياپىتىنى قوغدىدى، ھەم يەر تەۋرەشكە تاقابىل تۇرۇش تەلىپىگە يەتتى، مەنزىرە رايونى بىلەن ئاھالىلەر تۇرمۇش رايونى بىر گەۋدىگە ئايلاندى، كوچىلارغا مىللىيچە كىيىم-كېچەك دۇكىنى، مىس بۇيۇملار دۇكىنى، ساياھەت خاتىرە بۇيۇملىرى دۇكىنى قاتارلىق 100دىن ئارتۇق دۇكان جايلاشقان بولۇپ، ئۆزگىچە خەلق ئۆرپ-ئادەتلىرى جۇڭگولۇق ۋە چەت ئەللىك ساياھەتچىلەرنى «قەشقەرگە بارمىسا شىنجاڭغا بارغان ھېسابلانمايدۇ، قەدىمىي شەھەرگە بارمىسا قەشقەرگە بارغان ھېسابلانمايدۇ» دېگەن ئورتاق تونۇشقا ئىگە قىلدى.
يىپەك يولىدىكى قەدىمىي شەھەر يېڭى تۈسكە كىرىپ، كۆزنى چاقنىتىپ، مېھمانلار ۋە دوستلارنى كۈتۈۋالدى. قەشقەر ئوچۇق، سىغدۇرۇشچان روھىي ھالەت، مول تارىخى بىلەن جۇشقۇن ھاياتىي كۈچنى ئۇرغۇتۇپ، ھەرقايسى جايلاردىن كەلگەن مېھمانلارنى جەلپ قىلماقتا.
