ئانار بۇلۇت╲شىنجاڭ گېزىتى خەۋىرى (مۇخبىر ياۋ گاڭ) «خۇيجيا بىنخې مەيدانى قاراماي مەدەنىيەت ئىجادىيەت كەسىپلەر باغچىسى تۈرىنىڭ يانداش قىسمى بولۇپ، دۆلەت دەرىجىلىك كېچىلىك مەدەنىيەت ۋە ساياھەت ئىستېمالى توپلاشقان رايونى بولۇپ تاللانغاندىن كېيىن، كەسىپلەر باغچىسىنىڭ ئىقتىدارى تېخىمۇ مۇكەممەللىشىپ، ساياھەت ئارقىلىق ئىقتىسادىي تەرەققىياتقا يېتەكچىلىك قىلىشتىكى ھەرىكەت ئېنېرگىيەسى رولى يەنىمۇ گەۋدىلىنىدۇ.»دېدى قاراماي خۇيجيا مەدەنىيەت مەبلەغ سېلىش چەكلىك شىركىتىدىن جوۋ شياۋلىن.
2023-يىلىنىڭ ئاخىرىدا، قاراماي شەھىرى خۇيجيا بىنخې مەيدانى كورلا شەھىرى ئاق قۇ دەرياسى مەنزىرە رايونى، تېكەس ناھىيەسى سەككىز قىرلىق شەھەر ئىستىراھەت كوچا رايونى، شىنجاڭ ئىشلەپچىقىرىش-قۇرۇلۇش بىڭتۇەنى 12-شىسىنىڭ شىنتيەنرۇن تيەنجيې كوچىسى بىلەن بىرلىكتە 3-تۈركۈمدىكى دۆلەت دەرىجىلىك كېچىلىك مەدەنىيەت ۋە ساياھەت ئىستېمالى توپلاشقان رايون بولۇپ تاللاندى. بۇنىڭدىن باشقا، دۆلەت دەرىجىلىك ساياھەت-ئىستىراھەت كوچا رايونى، دۆلەت سانائەت-ساياھەت ئۈلگە كۆرسىتىش بازىسى، دۆلەت مەدەنىيەت كەسپى ۋە ساياھەت كەسپىنىڭ يۇغۇرما تەرەققىيات ئۈلگە كۆرسىتىش رايونى، دۆلەت تەنتەربىيە-ساياھەت ئۈلگە كۆرسىتىش بازىسى...... بىر قاتار دۆلەت دەرىجىلىك ناملار «شىنجاڭ ياخشى جاي» ماركا سىستېمىسىنىڭ سالمىقىنى تېخىمۇ ئاشۇردى.
ئاپتونوم رايونلۇق مەدەنىيەت ۋە ساياھەت نازارىتى بايلىق ئېچىش باشقارمىسىنىڭ باشقارما باشلىقى دۇەن يۈمىڭ مۇنداق تونۇشتۇردى: 2023-يىلى پۈتۈن شىنجاڭ بويىچە يېڭىدىن 4A دەرىجىلىك مەنزىرە رايونىدىن 14ى، دۆلەت دەرىجىلىك ساياھەت-ئىستىراھەت كوچا رايونىدىن ئىككىسى، دۆلەت سانائەت-ساياھەت ئۈلگە كۆرسىتىش بازىسىدىن ئىككىسى، دۆلەت مەدەنىيەت كەسپى بىلەن ساياھەت كەسپىنىڭ يۇغۇرما تەرەققىياتى بويىچە ئۈلگە كۆرسىتىش رايونىدىن بىرى، دۆلەت دەرىجىلىك مەدەنىي ساياھەت ئۈلگە كۆرسىتىش ئورنىدىن تۆتى، دۆلەت تەنتەربىيە-ساياھەت ئۈلگە كۆرسىتىش بازىسىدىن بىرى، دۆلەت مەدەنىيەت كەسپى ئىقتىدارى بويىچە يېزا-كەنتلەرنى گۈللەندۈرۈش نۇقتىدا سىناق قىلىش ناھىيەسىدىن ئىككىسى يېڭىدىن كۆپەيدى، مەملىكەت بويىچە ئۆزى ئاپتوموبىل ھەيدىگۈچىلەر، ئۆي ئاپتوموبىل ھەيدىگۈچىلەر 5C دەرىجىلىك لاگېردىن ئىككىسى، دۆلەت دەرىجىلىك قار تېيىلىش ساياھەت ئىستىراھەت ئورنىدىن بىرى، 5S دەرىجىلىك قار تېيىلىش مەيدانىدىن بىرى يېڭىدىن بەرپا قىلىندى، ئىلى قازاق ئاپتونوم ئوبلاستى مۇۋەپپەقىيەتلىك ھالدا غەربىي شىمالدىكى تۇنجى دۆلەت دەرىجىلىك تاشقى مەدەنىيەت سودا بازىسىنى بەرپا قىلدى، 13 لىنىيە مەملىكەت بويىچە يېزا-كەنت ساياھەت ئېسىل لىنىيەسى قاتارىغا تاللاپ كىرگۈزۈلدى.
لىجيې كوچىسى خەلق ئۆرپ-ئادەتلىرى پىيادىلەر كوچىسىدىكى مەنزىرە. ئاينىگار ئابلىم فوتوسى
«ساياھەت مەھسۇلاتلىرى سىستېمىسىدا يېڭىلىق يارىتىپ، ساياھەت مەھسۇلاتلىرى قۇرۇلمىسىنى ئەلالاشتۇرۇپ، تەمىنلەش ئىقتىدارى ۋە سەۋىيەسىنى ئۆستۈرۈپ، ساياھەتنىڭ زامان-ماكان دائىرىسىنى كېڭەيتىپ، ئېسىل مەنزىرە رايونى قۇرۇلۇشىنى كۈچەيتىپ، ساياھەتچىلەرنىڭ كۆپ قاتلاملىق ساياھەت ئېھتىياجىنى قاندۇردۇق.» دېدى دۇەن يۈمىڭ.
«ئېسىل مەنزىرە رايونى بەرپا قىلىش ساياھەتچىلىكنى تەرەققىي قىلدۇرۇشنىڭ ئاساسى، يەنە ئېسىل مەنزىرە رايونىنىڭ قىممىتىنى ئۈزلۈكسىز ئاشۇرۇپ، مۇلازىمەتتىن ئۇل ئەسلىھەلەرگىچە، ئاندىن ئۆلچەم ئورنىتىشقىچە مۇكەممەل بولغان ئەلا سۈپەتلىك ئېسىل مەنزىرە رايونى سىستېمىسىنى شەكىللەندۈرۈش كېرەك.» دېدى شيېچېڭ گۇرۇھى رايون مەمۇرىي ئىشلار باش دىرېكتورى سۇن ۋېيلى.
